ଲୋକସଭା ବାଚସ୍ପତି ଓମ୍ ବିର୍ଲାଙ୍କ ବିରୋଧରେ ସୁପ୍ରିମକୋର୍ଟ ଗଲେ ଉଦ୍ଧବ ଠାକରେ

ନୂଆଦିଲ୍ଲୀ: ଶିବସେନା ବନାମ ଶିବସେନା । ସୁପ୍ରିମକୋର୍ଟ ଗଲେ ଉଦ୍ଧବ ଠାକରେ । ଲୋକସଭା ବାଚସ୍ପତି ଓମ୍ ବିର୍ଲାଙ୍କ ବିରୋଧରେ କୋର୍ଟରେ ଦ୍ୱାରସ୍ଥ ହେଲେ ଉଦ୍ଧବ ଠାକରେ । ଲୋକସଭାରୁ ବେଆଇନ୍ ଭାବେ ଉଦ୍ଧବଙ୍କ ଟିମର ସାଂସଦଙ୍କୁ ପଦରୁ ହଟାଯାଇଛି । ଏହା ସହ ଲୋକସଭାରେ ଏକନାଥ ସିନ୍ଦେଙ୍କ ଟିମର ସାଂସଦଙ୍କୁ ଶିବସେନାର ନେତା ଭାବେ ଅଧିଷ୍ଠିତ କରାଯାଇଛି । ଯାହାକୁ ବିରୋଧ କରିଛନ୍ତି ଉଦ୍ଧବ ଠାକରେ । ଏନେଇ ଦଳର ଅଧ୍ୟକ୍ଷ ଭାବେ କୌଣସି ପ୍ରକାର ଆଲୋଚନା ମଧ୍ୟ ହୋଇନାହିଁ ।

ଓମ୍ ବିର୍ଲା ଖୋଲାଖୋଲି ଭାବେ ଆଇନ୍ ଉଲଘଂନ କରିଛନ୍ତି ବୋଲି ଅଭିଯୋଗ କରିଛନ୍ତି ଉଦ୍ଧବ ଠାକରେ । ଏନେଇ ସୁପ୍ରିମକୋର୍ଟରେ ଅଭିଯୋଗ କରିବା ସହ ନ୍ୟାୟ ଦାବି କରିଛନ୍ତି ଉଦ୍ଧବ । ଗତ ୧୯ ତାରିଖରେ ଶିବସେନାର ବିଦ୍ରୋହୀ ସାଂସଦ ଓମ୍ ବିର୍ଲାଙ୍କୁ ଭେଟିବା ସହ ଲୋକସଭାରେ ଚିଫ୍ ହୁଇପ୍ ପଦର ଦାବି ଉଠାଇଥିଲେ ।