ଉଦଳା: ହଷ୍ଟେଲରେ ଅନ୍ତେବାସୀଙ୍କୁ ନିମ୍ନମାନର ଖାଦ୍ୟ ଦିଆଯାଉଥିବା ଅଭିଯୋଗ ହୋଇଛି। ଖୁଂଟା ବ୍ଲକ ଅଧିନ ଶିମିଳିପାଳ ହାଇସ୍କୁଲରେ ଅନିୟମିତତା ଅଭିଯୋଗ। ଅଭିଯୋଗ କରିଛନ୍ତି ଖୋଦ୍ ବିଦ୍ୟାଳୟ ପରିଚାଳନା କମିଟି ସଭାପତି। ବିଦ୍ୟାଳୟରେ ହୋଇଥିବା ଶହେ ଶଯ୍ୟା ବିଶିଷ୍ଟ ହଷ୍ଟେଲରେ ରହୁଥିବା ଅନ୍ତେବାସୀଙ୍କୁ ଅନେକ ସମୟରେ ନିମ୍ନମାନର ଖାଦ୍ୟ ପ୍ରଦାନ କରାଯାଉଛି । ପାଣି ମିଶା ଡାଲି, ଆମିଷ ବାରରେ ଆମିଷ ପ୍ରଦାନ କରାଯାଉନଥିବା ଅଭିଯୋଗ ହୋଇଛି ।ନିମ୍ନମାନର ଖାଦ୍ୟ ଦିଆଯାଉଥିବା ବେଳେ ଅନେକ ସମୟରେ ଛାତ୍ରମାନେ ଖାଦ୍ୟ ନ ଖାଇ ଫୋପାଡିବାକୁ ବାଧ୍ୟ ହେଉଛନ୍ତି। ସେପଟେ ନିମ୍ନମାନର ଖାଦ୍ୟ ସମ୍ପର୍କରେ ପ୍ରଧାନଶିକ୍ଷୟିତ୍ରୀଙ୍କ ନିକଟରେ ଜଣାଇଥିଲେ ସୁଦ୍ଧା କୌଣସି ପଦକ୍ଷେପ ଗ୍ରହଣ କରାଯାଇନଥିବା କୁହାଯାଇଛି।
