ଏୟାର ହୋଷ୍ଟେସଙ୍କୁ କାମୁଡି ପକାଇଲେ ଯାତ୍ରୀ; ଟୋକିଓରେ ଜରୁରୀ ଅବତରଣ କଲା ବିମାନ

ନନ୍ଦିଘୋଷ ବ୍ୟୁରୋ :  ଅଧାରୁ ଟୋକିଓ ଫେରିଲା ଆମେରିକା ଯାଉଥିବା ଅଲ୍ ନିପନ୍ ଏୟାରଓ୍ବେଜ୍ (ANA) ବିମାନ । ବିମାନର ଜଣେ ଯାତ୍ରୀ ନିଶାରେ ଚୁର ହୋଇ ଜଣେ ଏୟାର ହୋଷ୍ଟେସଙ୍କୁ କାମୁଡି ଦେବାରୁ ଜରୁରୀ ଅବତରଣ କଲା ବିମାନ ।  ପ୍ଲେନ୍ ଲ୍ୟାଣ୍ଡିଂ ହେବା ପରେ ହିଁ ଯୁବକଙ୍କୁ ଗିରଫ କରାଯାଇଛି ।

ରିପୋର୍ଟ ଅନୁଯାୟୀ, ଆମେରିକାର ଜଣେ ୫୫ ବର୍ଷୀୟ ବ୍ୟକ୍ତି  ଅତିଧିକ ମଦ୍ୟପାନ କରି ଜଣେ ଏୟାର ହୋଷ୍ଟେସଙ୍କୁ କାମୁଡି ପକାଇଥିଲେ  । ଯାହା ଫଳରେ ଫ୍ଲାଇଟ୍ ଆଟେଣ୍ଟାଣ୍ଟ ଜଣକ ଆହତ ହୋଇ ପଡିଥିଲେ ।  ଏହି ଘଟଣା ପରେ ବିମାନରେ ଥିବା ୧୫୯ଯାତ୍ରୀଙ୍କୁ  ହନେଡା ବିମାନ ବନ୍ଦରରେ ଅବତରଣ କରାଇ ଦିଆଯାଇଛି । ଏହାପରେ ଏପରି କାଣ୍ଡ ଭିଆଇଥିବା  ମଦ୍ୟପ ଯାତ୍ରୀ ଜଣକୁ ପୋଲିସକୁ ହସ୍ତାନ୍ତର କରାଯାଇଥିଲା  । କିନ୍ତୁ ନିଶା ଛାଡିବା ପରେ ଯାତ୍ରୀ ଜଣକ କିଛି ମନେ ନାହିଁ ବୋଲି ପୋଲିସକୁ କହିଛି ।