ନନ୍ଦିଘୋଷ ବ୍ୟୁରୋ : ଖୋର୍ଦ୍ଧା ଜିଲ୍ଲା ବାଘମାରୀ ଥାନାର କୋଟପଲା ଏବଂ ଓସ୍ତପୁର ମଧ୍ୟରେ ହିଂସାକାଣ୍ଡ ଘଟଣା । ଓସ୍ତପୁର-କୋଟପଲ୍ଲା ବଜାରରେ ଲାଗିଲା ଭାରତୀୟ ନାଗରିକ ସଂହିତା ୧୬୩ ଧାରା । ବୁଧବାର ଉଭୟ ଗାଁ ମଧ୍ୟରେ ସୀମା ବିବାଦକୁ ନେଇ ଖଣ୍ଡଯୁଦ୍ଧ ହୋଇଥିଲା । ଦୋକାନ ଭଗାଂରୁଜା, ପୋଡାଜଳା ସହ ଟେକାପଥର ସହ କାଚ ବୋତଲ ମାଡ ହୋଇଥିଲା । ଉଭୟ ଗାଁ ମଧ୍ୟରେ ଉପୁଜିଥିବା ପରିସ୍ଥିତିକୁ ଦୃଷ୍ଟିରେ ରଖି ୧୬୩ ଧାରା ଲାଗୁ କରାଯାଇଛି । ବାଘମାରୀ ଥାନା ଅଧିକାରୀଙ୍କ ରିପୋର୍ଟକୁ ଆଧାର କରି ଖୋର୍ଦ୍ଧା ଅତିରିକ୍ତ ଜିଲ୍ଲାପାଳ ହନୁମାନ ବଟିକା ଠାରୁ ବାରିକ ପୋଖରୀ ପର୍ଯ୍ୟନ୍ତ ବିଏନଏସ ୧୬୩ ଧାରା ଲାଗୁ କରିଛନ୍ତି । ସେହିପରି ପରିସ୍ଥିତି ଶାନ୍ତ ପଡିଥିଲେ ମଧ୍ୟ ଏକ ପ୍ଲାଟୁନ ଫୋର୍ସ ବଜାର ସହ ଉଭୟ ଗାଁରେ ମୁତୟନ ରହିଛନ୍ତି ।
