ପୁଣି ଗୋଟିଏ ଟ୍ରାକରେ ଆସିଗଲା ଦୁଇଟି ଟ୍ରେନ୍, ଅଳ୍ପକେ ଟଳିଲା ବଡ଼ ଦୁର୍ଘଟଣା
1 min read
ନନ୍ଦିଘୋଷ ବ୍ୟୁରୋ: ପୁଣି ଏକ ନିଶ୍ଚିତ ଦୂର୍ଘଟଣାରୁ ବର୍ତ୍ତିଲା ଜନଶତାବ୍ଦୀ ଏକ୍ସପ୍ରେସ୍ । ହାଓଡ଼ାରୁ ଭୂବନେଶ୍ବର ଆସିବାବେଳେ ରାଧାମୋହନପୁର ଷ୍ଟେସନ୍ ପୂର୍ବରୁ ସାମ୍ନା ସାମ୍ନି ହେଲେ ଜନଶତାବ୍ଦୀ ଏକ୍ସପ୍ରେସ୍ ଓ ଖଡ଼ଗପୁର-ହାଓଡ଼ା ଲୋକାଲ ଟ୍ରେନ୍ । ଏମର୍ଜେନସି ବ୍ରେକ୍ ଲଗାଇ ଅଟକିଲେ ଉଭୟ ଟ୍ରେନ୍ । ଲୋକାଲ ଟ୍ରେନ୍ ପଛକୁ ଫେରିବା ପରେ ଚାଲିଲା ଜନଶତାବ୍ଦୀ ଏକ୍ସପ୍ରେସ୍ । ଭୟ ଓ ଆଶଙ୍କାରେ ରେଳଯାତ୍ରୀ । ଘଟଣାଟି ଅପରାହ୍ନ ୩ ଟା ୩୦ ମିନିଟରେ ଘଟିଛି । ଜନଶତାବ୍ଦୀ ଏକ୍ସପ୍ରେସ୍ ଓ ଖଡ଼ଗପୁର-ହାଓଡ଼ା ଲୋକାଲ ଟ୍ରେନ୍ ଗୋଟିଏ ଟ୍ରାକରେ ଆସୁଥିଲା । ତେବେ ଉଭୟ ପରସ୍ପର ସହ ଧକ୍କା ହେବାରୁ ଅଳ୍ପକେ ବର୍ତ୍ତି ଯାଇଛି ।
ଦକ୍ଷିଣ-ପୂର୍ବ ରେଳପଥ ଖଡ଼ଗପୁର ଡିଭିଜନର ରାଧାମୋହନପୁର ଷ୍ଟେସନ ନିଟରେ ଘଟିଛି ଘଟଣା । କିଛି ବାଟ ପୂର୍ବରୁ ଉଭୟ ଟ୍ରେନ୍ ଇମରଜେନ୍ସି ବ୍ରେକ୍ ଲଗାଇଥିଲେ । ଦୁର୍ଘଟଣା ଘଟିନଥିଲେ ମଧ୍ୟ ରେଳରେ ଥିବା ଯାତ୍ରୀମାନେ ପୁଣି ଏକ ଦୁର୍ଘଟଣାର ଆଶଙ୍କାକରି ସିହରି ଉଠିଥିଲେ । ପରେ ଖଡ଼ଗପୁର-ହାୱଡା ଲୋକାଲ ଟ୍ରେନ ପଛକୁ ଫେରିି ରାଧାମୋହପୁର ଷ୍ଟେସନର ଅନ୍ୟ ଏକ ଟ୍ରାକରେ ରହିଥିଲା । ଏହାପରେ ଜନଶତାବ୍ଦୀ ଏକ୍ସପ୍ରେସ୍ ଭୁବନେଶ୍ୱର ଅଭିମୁଖେ ଯାତ୍ରା ଆରମ୍ଭ କରିଥିଲା । ତେବେ ଏଠି ପ୍ରଶ୍ନ ଯେ କେମିତି ଗୋଟିଏ ଟ୍ରାକରେ ଦୁଇଟି ଟ୍ରେନ୍ ମୁହାଁମୁହିଁ ପରିସ୍ଥିତିକୁ ଆସିଗଲେ? ବାହାନଗା ଟ୍ରେନ ଟ୍ରାଜେଡି ପରେ ବି ରେଳ ବିଭାଗ କଣ କିଛି ଶିକ୍ଷା ପାଇଲା ନାହିଁ?
