ଜାମ୍ମୁ-କାଶ୍ମୀରରୁ ଦୁଇ ଆତଙ୍କବାଦୀଙ୍କୁ ଗିରଫ କଲା ପୋଲିସ, ଅତ୍ୟାଧୁନିକ ଅସ୍ତ୍ରଶସ୍ତ୍ର ଜବତ

ଜାମ୍ମୁ-କାଶ୍ମୀର: ଦୁଇ ଆତଙ୍କବାଦୀ ଗିରଫ । ଜାମ୍ମୁ-କାଶ୍ମୀରର ବାନ୍ଦିପୋରା ପୋଲିସ ଦୁଇ ଜଣ ଆତଙ୍କବାଦୀଙ୍କୁ ଗିରଫ କରିଛି । ସେମାନେ ଜୈସ-ଏ-ମହମ୍ମଦ ଆତଙ୍କବାଦୀ ସଂଗଠନର ସଦସ୍ୟ ବୋଲି ଜଣାପଡ଼ିଛି । ସେମାନଙ୍କ ନିକଟରୁ ଅତ୍ୟାଧୁନିକ ଅସ୍ତଶସ୍ତ୍ର ଯବତ କରାଯାଇଛି । ସେମାନେ କୌଣସି ଏକ ବଡ଼ ଆତଙ୍କୀ ହମ୍‌ଲା କରିବା ପାଇଁ ଯୋଜନା କରୁଥିଲେ ବୋଲି ପୋଲିସ ଜାଣିବାକୁ ପାଇଛିବ । ବାନ୍ଦିପୋରା ପୋଲିସ ଓ ଅନ୍ୟ ସୁରକ୍ଷାବଳର ମିଳିତ ଅପରେସନ୍‌ ବେଳେ ଏହି ଦୁଇ ଆତଙ୍କବାଦୀ ଧରାପଡ଼ିଛନ୍ତି ।

ସେମାନେ ଏବେ ପୋଲିସର କଡ଼ା ସୁରକ୍ଷା ବଳୟ ମଧ୍ୟ ରହିଛନ୍ତି । ସେମାନଙ୍କୁ ଜେରା କରାଯାଉଛି । ଖୁବ୍‌ଶୀଘ୍ର ସେମାନେ ଭାରତକୁ କିପରି ଆସିଲେ, କାହିଁକି ଆସିଲେ ଓ କେଉଁ ଉଦେଶ୍ୟରେ ଆସିଥିଲେ ସେନେଇ ତଥ୍ୟ ବାହାର କରିବ ବୋଲି ପୋଲିସ କହିଛି । ସେମାନେ ଭାରତକୁ ଆସିବା ପଛରେ କାହାର ହାତ ରହିଛି । କିଏ ସେମାନଙ୍କୁ ସାହାଯ୍ୟ କରିଛି ସେନେଇ ମଧ୍ୟ ତଦନ୍ତ କରଯିବ ବୋଲି ପୋଲିସ ସୂଚନା ଦେଇଛି ।

Two terrorist associates of Jaish-e-Mohammed arrested in joint operation by Bandipora Police and other security forces. Arms and ammunition recovered from their possession: Jammu and Kashmir Police pic.twitter.com/ht9R5djcnT

— ANI (@ANI) February 2, 2021