ଯାଜପୁର: ଚଣ୍ଡିଖୋଲ ଅଂଚଳରେ ଭୟଙ୍କର ଅଗ୍ନିକାଣ୍ଡ। NH 53 ଚଣ୍ଡିଖୋଲ -ପାରାଦ୍ୱୀପ ଜାତୀୟ ରାଜପଥର କଉଡ଼କୋଲ ଛକ ନିକଟରେ ଘଟିଛି ଏହି ଅଗ୍ନିକାଣ୍ଡ। କଉଡ଼କୋଲ ଗାଁର ଅକ୍ଷୟ ବଳଙ୍କ ଦୁଇ ମହଲା ଘରେ ଲାଗିଛି ନିଆଁ। ଘରେ ରଖାଯାଇଥିବା ଡିଜେଲ ଓ ମୋବିଲରେ କୌଣସି କାରଣରୁ ନିଆଁ ଲାଗି ଯାଇଥିଲା। ଯାହା ଫଳରେ ଘରେ ଅଗ୍ନିକାଣ୍ଡ ଘଟିଥିଲା। ଅଗ୍ନିକାଣ୍ଡରେ ଜଣଙ୍କୁ ଗୁରୁତର ଅବସ୍ଥାରେ ବଡ଼ଚଣା ମେଡିକାଲରେ ଚିକିତ୍ସା ପରେ କଟକ ମେଡିକାଲ ସ୍ଥାନାନ୍ତର କରାଯାଇଛି। ଘଟଣାସ୍ଥଳରେ ଚଣ୍ଡିଖୋଲ ଅଗ୍ନିଶମ ବାହିନୀ ଟିମ ପହଂଚି ନିଆଁକୁ ଆୟତ୍ତ କରିବା ପାଇଁ ଉଦ୍ୟମ ଚଳାଇଛନ୍ତି। ଘରର ସମସ୍ତ ଆସବାବପତ୍ର ଜଳି ପୋଡି ପାଉଁଶ ହୋଇ ଯାଇଛି। ନିଆଁର ପ୍ରକୋପ ଏତେ ପରିମାଣର ଥିଲା ଯେ ଦୁଇ ମହଲା ଘର ସମ୍ପୂର୍ଣ୍ଣ ଜଳି ଯାଇଛି ।