ପୋଲିସ ଓ ମାଓବାଦୀ ଗୁଳିବିନିମୟ, ୨ ଯବାନ ସହିଦ
1 min read
ନନ୍ଦିଘୋଷ ବ୍ୟୁରୋ: ମାଓବାଦୀଙ୍କ ଆମ୍ବୁସରେ ଫସିଲେ ଯବାନ । ଉଭୟ ପକ୍ଷ ମଧ୍ୟରେ ଗୁଳିବିନିମୟ ବେଳେ ଦୁଇ ଯବାନ ସହିଦ । କିଛି ମାଓବାଦୀ ମଧ୍ୟ ପ୍ରାଣ ହରାଇଥିବା ସନ୍ଦେହ କରାଯାଉଛି । ଛତିଶଗଡ଼ ଏବଂ ମହାରାଷ୍ଟ୍ର ସୀମାନ୍ତ ବରତାଲାବ ନିକଟରେ ପୋଲିସ ଓ ମାଓବାଦୀ ମଧ୍ୟରେ ଗୁଳିବିନିମୟ ହୋଇଥିଲା । ମାଓବାଦୀଙ୍କ ଗୁଳିରେ ଦୁଇ ଯବାନ ସହିଦ ହୋଇଛନ୍ତି ।
ପୋଲିସ ପକ୍ଷରୁ କମ୍ବିଂ ଅପରେସନକୁ ଜୋରଦାର କରାଯାଇଛି। ଡ୍ୟୁଟିକୁ ବାଇକ ଯୋଗେ ଆସୁଥିବା ବେଳେ ମାଓବାଦୀ ଅତର୍କିତ ଗୁଳି ଚଳାଇଥିଲେ । ଦୁଇ ଯବାନ ବାଇକରୁ ଓହ୍ଲାଇ ପାଲଟା ଗୁଳି ଚଳାଇଥିଲେ । 50ରୁ ଅଧିକ ମାଓବାଦୀ ଚକ୍ରବ୍ୟୂହ ରଚି ଯବାନଙ୍କୁ ଫସାଇ ଦେଇଥିଲେ । ତଥାପି ଦୁଇ ଯବାନ ନିଜ ଜୀବନକୁ ଖାତିର ନକରି ମାଓବାଦୀଙ୍କ ଉପରକୁ ଗୁଳି ଚଳାଇଥିଲେ । କିଛି ମାଓବାଦୀ ମୃତାହତ ହୋଇଥିବା ପୋଲିସ ଅନୁମାନ କରୁଛି । ନକ୍ସଲ ଅପରେସନ DSP ଅଜିତ ଅଗରେ ଏହି ସୂଚନା ଦେଇଛନ୍ତି ।
