ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ାଙ୍କ ସୁରକ୍ଷାକର୍ମୀଙ୍କ ଗାଡ଼ି ଧକ୍କାରେ ଦୁଇ ଗୁରୁତର

ନିମାପଡା : ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ାଙ୍କ ସୁରକ୍ଷାକର୍ମୀଙ୍କ ଗାଡ଼ି ଧକ୍କାରେ ଦୁଇ ଜଣ ଛାତ୍ରଛାତ୍ରୀ ଗୁରୁତର । ଆଜି ପୂର୍ବାହ୍ନରେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା ଗୋପ ଅଞ୍ଚଳ ଗସ୍ତ କରିଥିଲେ । ଏହି ସମୟରେ ସୁରକ୍ଷାକର୍ମୀଙ୍କ ଗାଡି ଧକ୍କାରେ ଜଣେ ଛାତ୍ରୀ ସହିତ ଜଣେ ଛାତ୍ର ଆହତ ହୋଇଥିବା ଜଣାପଡିଛି। ଦୁଇ ଜଣଙ୍କୁ ସ୍ଥାନୀୟ ଲୋକେ ଗୋପ ଡାକ୍ତରଖାନାରେ ଭର୍ତ୍ତି କରିଛନ୍ତି । ଦୁର୍ଘଟଣା ଗୋପ ମହାଜନ ସାହି ନିକଟରେ ଘଟିଥିବା ଜଣା ପଡ଼ିଛି। ଦୁଇଜଣ ଛାତ୍ର ଛାତ୍ରୀ ସ୍କୁଲରୁ ଘରକୁ ଫେରୁଥିବା ସମୟରେ ଦୁର୍ଘଟଣାର ଶିକାର ହୋଇଥିଲେ । ୫ମ ଶ୍ରେଣୀରେ ପଢୁଥିବା ଛାତ୍ରୀଙ୍କ ନାମ ତସଲିମ ଆରଜୁ ଓ ପ୍ରଥମ ଶ୍ରେଣୀରେ ପଢ଼ୁଥିବା ଛାତ୍ର ଜଣଙ୍କ ହେଉଛନ୍ତି ମହମ୍ମଦ ସହଜାଦ ଆଲାମ । ଅବସ୍ଥା ଗୁରୁତର ହେବାରୁ ଦୁହିଁଙ୍କୁ ଗୋପରୁ ଭୁବନେଶ୍ୱର ଘରୋଇ ହସପିଟାଲକୁ ସ୍ଥାନାନ୍ତରିତ କରାଯାଇଛି । ତେବେ ଉପମୁଖ୍ଯମନ୍ତ୍ରୀ ସବୁ ଜାଣି ମଧ୍ଯ ଛାତ୍ରଛାତ୍ରୀଙ୍କ କଥା ନବୁଝି ଅନ୍ଯ ମିଟିଂ ଚାଲିଯିବାକୁ ନେଇ ବିଭିନ୍ନ ମହଲରେ ଭ୍ରୁକୁଞ୍ଚନ ସୃଷ୍ଟି ହୋଇଛି । ସମସ୍ତ କାମଦାମ ସାରି ଗୁରୁତର ଛାତ୍ର ଓ ଛାତ୍ରୀଙ୍କୁ ବିଳମ୍ବରେ ଉପମୁଖ୍ୟମନ୍ତ୍ରୀ ଭେଟିବାକୁ ଯାଇଥିବା ଯାଇଥିବାବେଳେ  ସ୍ଥାନୀୟ ଅଂଚଳର ଲୋକଙ୍କ ପ୍ରଶ୍ନର ଉତ୍ତର ଦେଇପାରି କିଂକର୍ତ୍ତବ୍ଯବିମୁଢ ହୋଇଯାଇଥିଲେ । ଛୋଟଛୋଟ ପିଲାମାନଙ୍କ ଅବସ୍ଥା ଦିଶିଲାନି ଯେ ଆପଣ ମିଟିଂକୁ କେମିତି ପଳାଇଲେ ବୋଲି ପ୍ରଶ୍ନ କରିଥିଲେ ଲୋକେ । ଯାହା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।