କୋର୍ଟ ରୁମରେ ବିଚାରପତିଙ୍କୁ ପିଟିଲେ ୨ ପୋଲିସ ଅଧିକାରୀ

ପାଟଣା: କୋର୍ଟ ରୁମରେ ପୋଲିସ ବାବୁଙ୍କ ହଙ୍ଗାମା । ବିଚାରପତିଙ୍କ ବନ୍ଧୁକ ଦେଖାଇଲେ, ମାଡ଼ ମାରିଲେ । ବିହାର ମଧୁବନ ଜିଲ୍ଲାରେ ଘଟିଛି ଏହି ଘଟଣା । ଦୁଇ ଅଭିଯୁକ୍ତ କୋର୍ଟ ପରିସରରେ ବିଚାରପତି ଅବିନାଶ କୁମାରଙ୍କୁ ଆକ୍ରମଣ କରିଥିଲେ । ଉଭୟଙ୍କୁ ଗିରଫ କରାଯାଇ ଜେଲ୍ ପଠାଇ ଦିଆଯାଇଛି ।

ଆକ୍ରମଣ ପରେ ସୁରକ୍ଷିତ ଅଛନ୍ତି ବିଚାରପତି ଅବିନାଶ କୁମାର । ପୋଲିସ କର୍ମଚାରୀଙ୍କ ଆକ୍ରମଣ ବେଳେ ବିଚାରପତିଙ୍କୁ ରକ୍ଷା କରିବାକୁ ଯାଇ କେତେକ ଓକିଲ ଆହାତ ହୋଇଥିବା ଜଣାପଡ଼ିଛି । ଅଭିଯୁକ୍ତ ପୋଲିସ କର୍ମଚାରୀମାନେ ହେଲେ ଘୋଘଡିହା ଥାନା ଅଧିକାରୀ ଗୋପାଳ ପ୍ରସାଦ ଏବଂ ଅନ୍ଘୋୟ ଜଣେ ସେହି ଥାନାର ଏସ୍ଆଇ ।

କୌଣସି ଏକ ମାମଲାରେ ଦୁଇ ପୋଲିସ ଅଧିକାରୀ କୋର୍ଟରେ ହାଜର ହୋଇଥିବା ବେଳେ ବିଚାରପତିଙ୍କୁ ଏମିତି ଆକ୍ରମଣ କରିଥିବା ଜଣାପଡ଼ିଛି ।