ଚିନ୍ତା ବଢ଼ାଉଛନ୍ତି ଲକ୍ଷଣହୀନ ସଂକ୍ରମଣ, ଆଉ ୨ କୋଲକାତା ଫେରନ୍ତା ପଜିଟିଭ୍
ଭୁବନେଶ୍ୱର: ଯାଜପୁର ଜିଲ୍ଲାରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ସକାଳେ ୫ ଜଣଙ୍କ ନମୁନା ପଜିଟିଭ୍ ଆସିଥିବା ବେଳେ ଏବେ ପୁଣି ଆଉ ୨ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇ ୪୭ରେ ପହଞ୍ଚିଛି । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ୱେବସାଇଟରେ ସୂଚନା ଦିଆଯାଇଛି ।
ସଂକ୍ରମିତ ୨ ଜଣ କୋଲକାତାରୁ ଫେରିଥିଲେ । ଉଭୟ ବରୀ ବ୍ଲକର ହୋଇଥିବା ବେଳେ ବୟସ ୪୮ ବର୍ଷ ପୁରୁଷ, ୫୫ ବର୍ଷୀୟ ପୁରୁଷ ବୋଲି ଜଣାପଡ଼ିଛି । ସେମାନଙ୍କ ଠାରେ କରୋନାର କୌଣସି ଲକ୍ଷଣ ମଧ୍ୟ ନାହିଁ । କୋଲକାତାରୁ ଫେରିବା ପରେ ଦୁହେଁ କ୍ୱାରେଣ୍ଟାଇନରେ ଥିଲେ ।
କେନ୍ଦ୍ର ଜାରି କଲା ରେଡ୍ ଜୋନ ତାଲିକା, ଜାଣନ୍ତୁ କେଉଁ ଜୋନରେ ଅଛି ରାଜ୍ୟର କେଉଁ ଜିଲ୍ଲା…
ଯାଜପୁର ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ୪୭ରେ ପହଞ୍ଚିବା ସହ ଏହା ଖୋର୍ଦ୍ଧା ଜିଲ୍ଲା ସହିତ ସମକକ୍ଷ ହୋଇଛି । ରାଜ୍ୟରେ ଏବେ ୧୫୬ ଜଣ କରୋନାରେ ଆକ୍ରାନ୍ତ ହୋଇଥିବା ବେଳେ ୧୦୦ ଜଣ ସକ୍ରିୟ ସଂକ୍ରମିତ ଅଛନ୍ତି । ୫୫ ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ଜଣଙ୍କର ମୃତ୍ୟୁ ହୋଇଛି ।
କେନ୍ଦ୍ର ଜାରି କଲା ରେଡ୍ ଜୋନ ତାଲିକା, ଜାଣନ୍ତୁ କେଉଁ ଜୋନରେ ଅଛି ରାଜ୍ୟର କେଉଁ ଜିଲ୍ଲା…
