ଚିତାଙ୍କ ପିଛା ଛାଡ଼ୁନି ବିପଦ, ଗତ ୨୪ ଘଣ୍ଟାରେ ପ୍ରାଣ ହରାଇଛନ୍ତି ଆଉ ୨ ଚିତା ଛୁଆ

ଭୋପାଳ: ଚିତାଙ୍କ ପିଛା ଛାଡ଼ୁନି ବିପଦ । ଗତ ୨୪ ଘଣ୍ଟାରେ ପ୍ରାଣ ହରାଇଛନ୍ତି ଆଉ ୨ ଚିତା ଛୁଆ । ପ୍ରବଳ ଉତ୍ତାପ ସହି ନପାରି ଚିତାଙ୍କ ମୃତ୍ୟୁ ଘଟିଥିବା ସୂଚନା ମିଳିଛି । ଗୋଟିଏ ଚିତା ଛୁଆର ମୃତ୍ୟୁର ୨ ଦିନ ପରେ ପୁଣି ଥରେ ୨ ଛୁଆଙ୍କ ମୃତ୍ୟୁ ଚିନ୍ତାର କାରଣ ହୋଇଛି । ଗତ ମାର୍ଚ୍ଚରେ ନାମିବ୍ୟାରୁ ଆସିଥିବା ଚିତାଙ୍କଠାରୁ ୪ଟି ଛୁଆ ଜନ୍ମିଥିଲେ । ମାତ୍ର ସେମାନଙ୍କ ମଧ୍ୟରୁ ୩ଟି ଛୁଆଙ୍କ ମୃତ୍ୟୁ ଘଟିଛି ।

ଗତ ୨୩ ତାରିଖରେ ପ୍ରଥମେ ଗୋଟିଏ ଛୁଆର ମୃତ୍ୟୁ ଘଟିଥିବାବେଳେ ଗତ ୨୫ ତାରିଖରେ ଆଉ ୨ଟି ଛୁଆଙ୍କ ମୃତ୍ୟୁ ଘଟିଥିଲା । କୁନୋ ନ୍ୟାସନାଲ ପାର୍କରେ ତାପମାତ୍ରା ୪୫ ରୁ ୪୭ ଡିଗ୍ରୀ ହୋଇଥିବାରୁ ସେହି ଉତ୍ତାପ ସହ୍ୟ କରି ପାରି ନଥିଲେ ଛୁଆ । ଅନ୍ୟ ଚିତାଙ୍କ ସୁରକ୍ଷା ଲାଗି ନାମିବ୍ୟା ଓ ସାଉଥ ଆଫ୍ରିକା ଚିତା ବିଶେଷଜ୍ଞଙ୍କ ସହ ଆଲୋଚନା କରିଛନ୍ତି କୁନୋ ପାର୍କ କର୍ତ୍ତୃପକ୍ଷ ।