ଝାରପଡ଼ା ଜେଲରେ ଦୁର୍ଦ୍ଦାନ୍ତ ଅପରାଧୀଙ୍କ ଠାରୁ ୨ଟି ମୋବାଇଲ୍ ସିଜ୍

ଭୁବନେଶ୍ୱର: ଜେଲର ସେଲରେ ମୋବାଇଲ୍ ଫୋନ୍ । ଝାରପଡ଼ା ସ୍ୱତନ୍ତ୍ର ଜେଲରୁ ପୁଣି ଥରେ ମୋବାଇଲ୍ ଜବତ ହୋଇଛି । ଦୁର୍ଦ୍ଦାନ୍ତ ଅପରାଧୀଙ୍କ ନିକଟରୁ ୨ଟି ମୋବାଇଲ୍ ମିଳିଛି । ଡିଜିଙ୍କ ନେତୃତ୍ୱରେ ଜେଲରେ ଚଢ଼ାଉ ହୋଇଥିବା ବେଳେ ମୋବାଇଲ୍ ମିଳିଛି । ମାଟି ତଳେ ଓ ସିମେଣ୍ଟ ଖୋଳି ଅପରାଧୀ ମୋବାଇଲ ଲୁଚାଇ ରଖିଥିବା ସୂଚନା ମିଳିଛି ।

ଦୁର୍ଦ୍ଦାନ୍ତ ଅପରାଧୀଙ୍କ ଠାରୁ ମୋବାଇଲ୍ ଜବତ ପରେ ୨ ଜଣଙ୍କ ବିରୋଧରେ ଲକ୍ଷ୍ମୀସାଗର ଥାନାରେ ଏତଲା ଦିଆଯାଇଛି । ମୋବାଇଲ୍ ରଖିଥିବା ଅନ୍ତେବାସୀଙ୍କୁ ଅନ୍ୟତ୍ର ବଦଳି କରାଯିବ ବୋଲି ସୂଚନା ଦେଇଛନ୍ତି ଜେଲ୍ ଡିଜି ସନ୍ତୋଷ ଉପାଧ୍ୟାୟ । ହାର୍ଡକୋରଙ୍କ ଏରିଆ ଅଫ୍ ଅପରେସନରେ ପରିବର୍ତ୍ତନ ହେବ । ଆଗାମୀ ଦିନରେ ଜେଲରେ ଚଢ଼ାଉ ବ୍ୟାପକ କରାଯିବ ବୋଲି କହିଛନ୍ତି ଜେଲ ଡିଜି । ୨ ଦିନ ପୂର୍ବେ ୯ଟି ମୋବାଇଲ ଜବତ ହୋଇଥିଲା ।