ବିଷ୍ଣୁ ସେଠୀଙ୍କ ପରିବାରରୁ ୨ଜଣ ପ୍ରାର୍ଥୀ

ଭଦ୍ରକ: ଧାମନଗର ଉପ-ନିର୍ବାଚନରେ ରୋଚକ ପରିସ୍ଥିତି । ଗୋଟିଏ ଘରୁ ପ୍ରାର୍ଥିପତ୍ର ଦାଖଲ କରିଛନ୍ତି ୨ ଜଣ । ଦିବଂଗତ ବିଧାୟକ ବିଷ୍ଣୁସେଠୀଙ୍କ ପରିବାରରୁ ୨ଜଣ ଭରିଛନ୍ତି ନାମାଙ୍କନ । ବିଷ୍ଣୁଙ୍କ ପୁଅ ସୂର୍ଯ୍ୟବଂଶୀ ସୂରଜ ବିଜେପି ତରଫରୁ ପ୍ରାର୍ଥୀ ହୋଇଥିବାବେଳେ ସ୍ବାଧୀନ ଭାବେ ନାମାଙ୍କନ ଭରିଛନ୍ତି ତାଙ୍କ ପୁତୁରା ଶୁଭ୍ର ନାରାୟଣ ସେଠୀ । ଶୁଭ୍ର ଏବେ ତିହିଡ଼ି ବ୍ଲକ ଭାଟପଡ଼ା ପଞ୍ଚାୟତର ସରପଞ୍ଚ ରହିଛନ୍ତି ।

ଉପନିର୍ବାଚନ ପାଇଁ ସେ ସ୍ବାଧୀନ ପ୍ରାର୍ଥୀ ଭାବେ ନାମାଙ୍କନ ଭରିଛନ୍ତି । ଶୁଭ୍ରଙ୍କର ପ୍ରାର୍ଥିପତ୍ରକୁ ନେଇ ଏବେ ଧାମନଗରରେ ବେଶ୍ ଚର୍ଚ୍ଚା । ସୂର୍ଯ୍ୟବଂଶୀଙ୍କ ଭୋଟକୁ ଶୁଭାଂଶୁ ପ୍ରଭାବିତ କରିବାର ଆଶଙ୍କା କରାଯାଉଛି । ଏହାଦ୍ବାରା ବିଜେପିର ଭୋଟ ଭାଗ ହୋଇପାରେ ବୋଲି ଚର୍ଚ୍ଚା ହେଉଛି । ଯାହାକୁ ନେଇ ଅକଳରେ ପଡ଼ିଛି ବିଜେପି ।