ବିଲରେ କାମ କରିବା ବେଳେ ଭାଲୁ ଆକ୍ରମଣରେ ଦୁଇ ଆହତ
କରଞ୍ଜିଆ: ବିଲରେ କାମ କରିବା ବେଳେ ଭାଲୁ କଲା ଆକ୍ରମଣ । ଫଳରେ ଦୁଇ ଜଣ ଆହତ ହୋଇଛନ୍ତି । ସେମାନଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
ମିଳିଥିବା ସୂଚନା ଅନୁସାରେ, ଗତକାଲି ଅପରାହ୍ନରେ ଖଣ୍ଡବନ୍ଧ ପଞ୍ଚାୟତର ପୁରୁଣା ପାଣି ବୁରୁଡି ସାହିର କାରନା ମାରାଣ୍ତି ଚାଷ ଜମିରେ କାମ କରୁଥିଲେ । ଏହି ସମୟରେ ଗୋଟିଏ ଭାଲୁ ତାଙ୍କୁ ଆକ୍ରମଣ କରିଥିଲା । ପାଖ ଜମିରେ କାମ କରୁଥିବା ରାଇପଦା ଗାଁର ରମାକାନ୍ତ ଦେହୁରୀ ଏହା ଦେଖି ପାଟି କରିବାକୁ ଲାଗିଥିଲେ । ଭାଲୁଟି କାରନାଙ୍କୁ ଛାଡି ରମାକାନ୍ତଙ୍କୁ ମଧ୍ୟ ଆକ୍ରମଣ କରିଥିଲା ।
ଆଖପାଖରେ ଥିବା ଲୋକେ ଉଭୟଙ୍କ ପାଟି ଶୁଣି ଦୌଡ଼ି ଆସିବାରୁ ଭାଲୁଟି ପଳାଇଥିଲେ । ଉପସ୍ଥିତ ଲୋକଙ୍କ ସହାୟତାରେ ପରିବାର ଲୋକେ ଉଭୟଙ୍କୁ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ଯକେନ୍ଦ୍ରରେ ଭର୍ତ୍ତି କରିଛନ୍ତି ।
