ରାଜ୍ୟ କ୍ରୀଡ଼ା ଭିତ୍ତିଭୂମିରେ ଯୋଡି ହେଲା ଆଉ ୩ ଫର୍ଦ୍ଦ, ହିଞ୍ଜିଳିକାଟୁ, ଛତ୍ରପୁରେ ଇନଡୋର ଷ୍ଟାଡିୟମ ଲୋକର୍ପିତ

ବ୍ରହ୍ମପୁର/ଭୁବନେଶ୍ୱର : ଓଡ଼ିଶା କ୍ରୀଡ଼ା ଭିତ୍ତିଭୂମିରେ ସୋମବାର ଯୋଡି ହୋଇଛି ନୂଆ ଅଧ୍ୟାୟ ।ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ଉଦଘାଟିତ ହୋଇଛି ୩ ପ୍ରମୁଖ କ୍ରୀଡ଼ାସ୍ଥଳୀ । ଭିଡିଓ କନଫରେନ୍ସିଂ ମାଧ୍ୟମରେ ଏହି ସବୁ ଉଦଘାଟନୀ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।

ସର୍ବପ୍ରଥମେ ରାଜଧାନୀସ୍ଥିତ କଳିଙ୍ଗ ଷ୍ଟାଡିୟମ ପରିସରରେ ଆଦିତ୍ୟ ବିର୍ଲା ଗଗନ ନାରଙ୍ଗ ସୁଟିଂ ହାଇ ପରଫର୍ମାନ୍ସ ସେଣ୍ଟର ଉଦଘାଟିତ ହୋଇଥିଲା । ଏହା ପରେ ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ଓ ଛତ୍ରପୁର ଠାରେ ନବନିର୍ମିତ ଇନଡୋର ଷ୍ଟାଡିୟମର ଉଦଘାଟନୀ କରାଯାଇଥିଲା । ଓଡ଼ିଶା ସରକାରଙ୍କ  ରାଜ୍ୟ କ୍ରୀଡ଼ା ଓ ଯୁବ ବ୍ୟାପାର ବିଭାଗ ପକ୍ଷରୁ ଇନଡୋର ହଲର ନିର୍ମାଣ କରାଯାଇଛି । ହିଞ୍ଜିଳିଠାରେରେ 10 କୋଟି 98 ଲକ୍ଷ 75 ହଜାର ଟଙ୍କା ବ୍ୟୟରେ ନିର୍ମିତ ଇନଡୋର ଷ୍ଟାଡିୟମରେ 4 ବ୍ୟାଡମିଣ୍ଟନ କୋର୍ଟ, ଗୋଟିଏ ଲେଖାଁଏ ଟେବୁଲ ଟେନିସ, ଚେସ, ବାସ୍କେଟବଲ ଓ ଭଲିବଲ କୋର୍ଟ  ରହିଛି। ସେହିପରି ଛତ୍ରପୁରରେ 2 କୋଟି 61 ଲକ୍ଷ ଟଙ୍କା ବ୍ୟୟରେ ନିର୍ମିତ ଇନଡୋର ଷ୍ଟାଡିୟମରେ 3 ଗୋଟି ବ୍ୟାଡମିଣ୍ଟନ କୋର୍ଟ ଓ ଗୋଟିଏ ଲେଖାଁଏ ଟେବୁଲ ଟେନିସ ଓ ଚେସ କୋର୍ଟ ରହିଛି।

Leave a Reply