ଦୁଇ ପାକିସ୍ତାନୀ ଗୁପ୍ତଚର ଅଟକ, ଭାରତୀୟ ସେନାର ଗୁରୁତ୍ବପୂର୍ଣ୍ଣ ତଥ୍ୟ ଲିକ କରୁଥିବା ଅଭିଯୋଗ

ନନ୍ଦିଘୋଷ ବ୍ୟୁରୋ: ଭାରତ-ପାକିସ୍ତାନ ବିବାଦ ମଧ୍ୟରେ ଦୁଇଜଣ ପାକିସ୍ତାନୀ ଗୁପ୍ତଚରଙ୍କୁ କାବୁ କରିଛି ପୋଲିସ । ପଞ୍ଚାବ ମାଲେରକୋଟଲା ପୋଲିସ ଦୁଇ ଗୁପ୍ତଚରଙ୍କୁ ଧରିଥିବା ଜଣାପଡ଼ିଛି । ନୂଆଦିଲ୍ଲୀ ହାଇକମିଶନରେ କାର୍ଯ୍ୟରତ ଜଣେ ପାକ୍ ଅଧିକାରୀଙ୍କ ସହ ଏମାନଙ୍କର ସମ୍ପର୍କ ଥିବା ଅଭିଯୋଗ ହୋଇଛି ।

ମିଳିଥିବା ସୂଚନା ଅନୁସାରେ, ଉଭୟ ଗୁପ୍ତଚର ବୃତ୍ତିରେ ଲିପ୍ତ ଥିଲେ । ଏମାନେ ଭାରତୀୟ ସେନା ସମ୍ପର୍କରେ ଗୁରୁତ୍ବପୂର୍ଣ୍ଣ ତଥ୍ୟ ଲିକ୍ କରିଥିବା ମଧ୍ୟ ଅଭିଯୋଗ ହୋଇଛି । ସେନାର ଗତିବିଧି ସମ୍ପର୍କରେ ସେମାନେ ତଥ୍ଯ ଯୋଗାଉଥିଲେ । ଆଉ ଏହି ସୂଚନା ପାଇଁ ଅନଲାଇନରେ ପାଉଥିଲେ ଟଙ୍କା । ଦୁଇ ଅଭିଯୁକ୍ତଙ୍କ ପାଖରୁ ଦୁଇଟି ମୋବାଇଲ ମଧ୍ୟ ଜବତ କରାଯାଇଛି ।