କରୋନାକୁ ନେଇ ବାଙ୍କୀରେ ଗୋଷ୍ଠୀ ସଂଘର୍ଷ

ବାଙ୍କୀ: ବାଙ୍କୀ ଗୋପାଳପୁର ପଞ୍ଚାୟତ ସିଂହନାଥପୁର ଛକରେ ଦୁଇ ଦଳ ମଧ୍ୟ ଗୋଷ୍ଠୀ ସଂଘର୍ଷ ଦେଖିବାକୁ ମିଳିଛି । କୋରୋନା ମହାମାରୀକୁ କେନ୍ଦ୍ର କରି  ମୁଖ୍ୟ ରାସ୍ତାକୁ ତେଲିସାହି ଗ୍ରାମବାସୀ  ଲକଡାଉନ କରିବା ଫଳରେ ଗୋଷ୍ଠୀ ସଂଘର୍ଷ ଘଟିଥିବା ସୂଚନା ମିଳିଛି ।

ତେଲି ସାହି ଓ ଗୋଖାସାହି ମଧ୍ୟରେ ସଂଘର୍ଷ ହୋଇଛି । ଉଭୟ ଗୋଷ୍ଠୀ ମଧ୍ୟରେ ଟେକା ପଥର ମାଡ଼ ହୋଇଥିବା ବେଳେ ୧୦ ରୁ ଅଧିକ ଆହତ ହୋଇ ବାଙ୍କୀ ଡାକ୍ତରଖାନାରେ ଚିକିତ୍ସିତ ଅଛନ୍ତି ।

ଏବେବି ଢ଼େଲା ପଥର ମାଡ଼ ଜାରି ରହିବା ସୂଚନା ମିଳିଛି । ।ଏହି ପଥର ମାଡରେ ଅନେକ ଗୁରୁତର ଆହାତ ମଧ୍ୟ ହୋଇଛନ୍ତି । ଆଗକୁ ଏହା ଉଗ୍ରରୂପ ନେବାର ଆଶଙ୍କା ଥିବାରୁ ଘଟଣାକୁ ସ୍ଥଳରେ ଏକ ପ୍ଲାଟୁନ ପୋଲିସ ଫୋର୍ସ ନିଯୋଜିତ ହୋଇଛନ୍ତି । ଏଥିସହ କଟକ ଗ୍ରାମାଞ୍ଚଳ ଅତିରିକ୍ତ ଏସ. ପି  ଏବଂ ତହସିଲଦାର ଘଟଣା ସ୍ଥଳରେ ପହଁଞ୍ଚିଥିଲେ ।