ଡିଜେ ଫ୍ଲୋରରେ କୁସ୍ତି ଡ୍ୟାନ୍ସ୍
1 min read
ନୂଆଦିଲ୍ଲୀ: ବିବାହ ସମାରୋହ ହେଉ ଅବା ଅନ୍ୟ ଯେକୌଣସି ସମାରୋହ ସବୁଠି ଲୋକେ ମନ ଖୋଲି ନାଚିଥାନ୍ତି ଓ ଗାଇଥାନ୍ତି । କିଏ ନିଜର ଜବରଦସ୍ତ ଡ୍ୟାନ୍ସ ମୁଭ୍ସ ଦେଖାଇ ଲୋକମାନଙ୍କର ଧ୍ୟାନ ଆକର୍ଷଣ କରିନିଏ ତ ଆଉ କିଏ ନିଜର ଅତରଙ୍ଗୀ ଡ୍ୟାନ୍ସ ମୁଭସ ଦେଖାଇ ଲୋକଙ୍କୁ ହସି ହସି ଗଡାଇଥାଏ । ସେମିତି ଆହୁରି ମଧ୍ୟ କିଛି ଡ୍ୟାନ୍ସ ଅଛି ଯାହାକୁ ଦେଖି ଲୋକେ ବ୍ୟସ୍ତ ବିବ୍ରତ ହୋଇପଡନ୍ତି । ଯେମିତିକି ବର୍ତ୍ତମାନ ଏକ ଭିଡିଓ ଭାଇରାଲ ହେବାରେ ଲାଗିଛି । ଏମିତି ତ ଆପଣ ନାଗିନ ଠୁ ଆରମ୍ଭ କରି ବରଯାତ୍ରୀ ନାଚ ଦେଖିଥିବେ । କିନ୍ତୁ ଆଜି ଆମେ ଆପଣଙ୍କୁ ଯାହା ଦେଖାଇବୁ ଯାହା ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଭାଇରାଲ ହୋଇଥିବା ଏହି ମଜାଦାର ଭିଡିଓଟି ଦୁଇଜଣ ଯୁବକଙ୍କର ଅଟେ । ଯିଏକି ବାହାଘରର ଡ୍ୟାନ୍ସଫ୍ଲୋରରେ ଅଜବଧରଣର ଡ୍ୟାନ୍ସ୍ ମୁଭସ୍ ଦେଖାଉଛନ୍ତି । ତାଙ୍କର ଅନୋଖା ଧରଣର ଡ୍ୟାନ୍ସ ଦେଖି ସେଠାରେ ଉପସ୍ଥିତ ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ ।
View this post on Instagram
ଭିଡିଓରେ ଦେଖିବାକୁ ମିଳୁଛିକି ୨୦୧୦ରେ ରିଲିଜ ହୋଇଥିବା ଫିଲ୍ମ ଦବଙ୍ଗର ଲିଡ ରୋଲରେ ଥିବା ସଲମାନ ଖାନଙ୍କ ହିଟ୍ ଟାଇଟେଲ ଟ୍ରାକ୍ରେ ଡ୍ୟାନ୍ସ କରୁଛନ୍ତି । କିନ୍ତୁ ସବୁଠାରୁ ମଜାଦାର କଥା ହେଉଛିକି ଦୁଇଜଣ ଗୀତରେ ଡ୍ୟାନ୍ସ କରିବା ବଦଳରେ ଦୁଇଜଣ ଗୀତରେ କୁସ୍ତି କରୁଥିବାର ନଜର ଆସୁଛନ୍ତି । ସେ ସ୍ଥାନଟି ଡ୍ୟାନ୍ସଫ୍ଲୋର କମ ଓ କୁସ୍ତି ମଇଦାନ ଅଧିକ ଲାଗୁଛି । ଭିଡିଓରେ ଦେଖିବାକୁ ମିଳୁଛିକି ଏହି କୁସ୍ତି ଭରା ଡ୍ୟାନ୍ସଟିକୁ ଦେଖି ସେଠାରେ ଉପସ୍ଥିତ ଲୋକ ମଧ୍ୟ ତାଜୁବ ହୋଇଯାଇଛନ୍ତି । ଭିଡିଓଟିକୁ ଦେଖିଲା ପରେ ୟୁଜରର୍ସ ନିଜର ହସ କଂଟ୍ରୋଲ କରିପାରୁନାହାନ୍ତି । ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ଷ୍ଟାଟସ ଲଭର ୨୧୪ ନାମର ଏକ ଆକାଉଂଟରୁ ଏହି ଭିଡିଓଟି ଶେୟାର କରାଯାଇଥିବା ବେଳେ ଏପର୍ଯ୍ୟନ୍ତ ୩.୪ ମିଲିୟନ ଲୋକେ ଏହାକୁ ଦେଖିସାରିଲେଣି । ଭିଡିଓଟିକୁ ଦେଖିବା ପରେ ୟୁଜର୍ସ ଏଥିରେ ଭିନ୍ନ ଭିନ୍ନ କମେଂଟସ୍ ଦେଉଛନ୍ତି ।
