ବ୍ୟାପୁଛି ଝାଡ଼ାବାନ୍ତି: ୧୦ ଦିନ ମଧ୍ୟରେ କଣାସରେ ଦୁଇଜଣଙ୍କ ମୃତ୍ୟୁ, ୨୦ରୁ ଅଧିକ ଆକ୍ରାନ୍ତ

କଣାସ: ପୁରୀ ଜିଲ୍ଲା କଣାସ ବ୍ଲକ ଅନ୍ତର୍ଗତ ବିଭିନ୍ନ ଗାଁରେ ବ୍ୟାପୁଛି ଝାଡ଼ାବାନ୍ତି । ୧୦ଦିନ ମଧ୍ୟରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ୨୦ରୁ ଅଧିକ ଆକ୍ରାନ୍ତ ହୋଇଛନ୍ତି । ୨ଜଣ ମୃତକ ହେଲେ ଗଡ଼ିସାଗଦା ପଞ୍ଚାୟତ ନୂଆ ଗାଁର ସାରଥୀ ପ୍ରଧାନ ଓ ସଚଳା ସାହୁ । ୮ଦିନ ତଳେ ସାରଥୀଙ୍କ ଝାଡ଼ାବାନ୍ତିରେ ମୃତ୍ୟୁ ହୋଇଥିବା ବେଳେ ଗତକାଲି ସଚଳାଙ୍କ ମୃତ୍ୟୁ ହୋଇଛି । ଆକ୍ରାନ୍ତଙ୍କ ସଂଖ୍ୟା ବଢୁଥିବାରୁ କଣାସ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରେ ପ୍ରତିଦିନ ଝାଡ଼ାବାନ୍ତି ରୋଗୀ ପହଞ୍ଚୁଛନ୍ତି । ଲୋକମାନଙ୍କ ମନରେ ଛନକା ପଶିଥିବା ବେଳେ ନୂଆଗାଁ ଓ ଜାଗୁଳାଇପଡ଼ାରେ ଡାକ୍ତରୀ ଟିମ୍ ଲୋକମାନଙ୍କୁ ସଚେତନ କରୁଛନ୍ତି । ଓଆରଏସ ଓ ହାଲୋଜିନ୍ ଟାବଲେଟ୍ ଘରେଘରେ ବଣ୍ଟାଯାଉଛି । ପାନୀୟ ଜଳ ନମୁନା ସଂଗ୍ରହ କରି ପରୀକ୍ଷା ପାଇଁ ପଠାଇଛି ଡାକ୍ତରୀ ଟିମ୍।