କାର ସହ ବଢିପାଣିରେ ଭାସିଯାଇଥିଲେ, ଆଜି ମିଳିଲା ମୃତଦେହ

ସମ୍ବଲପୁର: ପୋଲ ଅତିକ୍ରମ ବେଳେ ବଢି ପାଣିରେ କାର୍ ଭାସିଯାଇଥିଲା । ଆଜି ମିଳିଲା ୨ ଜଣଙ୍କ ମୃତଦେହ । ମୃତକ ହେଲେ ଗୁଣ୍ଡୁରୁଚୁଆଁ ଗାଁର ତାପସ ନାୟକ ଓ ପ୍ରତାପ ପଟେଲ । ଏହାସହ ଭାସିଯାଇଥିବା କାରଟି ନାଳ ଭିତରେ ଫସି ରହିଛି । ସମ୍ବଲପୁର ଜମନକିରା ବ୍ଲକ ନକଟିପାଲି ଗାଁ ରାସ୍ତାରେ ଗତକାଲି କାରଟି ପୋଲ ଅତିକ୍ରମ କରୁଥିବା ବେଳେ ଭାସି ଯାଇଥିଲା । ଖୋଜାଖାଜି ପରେ ୨ ଜଣଙ୍କ ମୃତଦେହ ଉଦ୍ଧାର ହୋଇଛି ।

ବର୍ଷା ଯୋଗୁଁ ନାଲା ପୋଲ ଉପରେ ଚାଲୁଥିଲା ୫ ଫୁଟର ପାଣି । ଏହି ପାଣିର ସ୍ରୋତରେ କାରଟି ଭାସିଯାଇଥିଲା । ତେବେ କାରରେ କେତେଜଣ ଯାତ୍ରୀ ଥିଲେ ତାହା ସ୍ପଷ୍ଟ ଜଣାପଡିନାହିଁ ।

ଅଗ୍ନିଶମ ବାହିନୀ ଗତକାଲି ରାତିରେ ଉଦ୍ଧାର କାର୍ଯ୍ୟ ଜାରି ରଖିଥିଲା । ଏସଆରସି ଏନେଇ ସୂଚନା ଦେଇଥିବା ବେଳେ ସତର୍କ ରହିବା ପାଇଁ ସୂଚନା ଦେଇଛନ୍ତି । ଜଳ ପ୍ରବାହିତ ହେଉଥିବା ସ୍ଥାନରେ ବିପଦସଙ୍କୁଳ ଭାବେ ଯିବା ଆସିବା ନକରିବାକୁ ପରାମର୍ଶ ଦେଇଛନ୍ତି ।