ଆନ୍ଧ୍ରପ୍ରଦେଶରେ ପୁଣି ବିଷାକ୍ତ ଗ୍ୟାସ୍ ଲିକ୍: ୨ ମୃତ
ବିଶାଖାପାଟଣା: ଆନ୍ଧ୍ରପ୍ରଦେଶର ବିଶାଖାପାଟଣାରେ ପୁଣି ଗ୍ୟାସ୍ ଲିକ୍ । ଏଥିରେ ୨ ଜଣ କର୍ମଚାରୀ ପ୍ରାଣ ହରାଇଛନ୍ତି । ୪ ଗୁରୁତରଙ୍କୁ ହସ୍ପିଟାଲରେ ଚିକିତ୍ସା କରାଯାଉଛି। ପରଓ୍ୱାଡାର ଏକ ଔଷଧ ଉତ୍ପାଦନକାରୀ କମ୍ପାନୀରେ ଗତକାଲି ବିଳମ୍ବିତ ରାତିରେ ଗ୍ୟାସ ଲିକ ହୋଇଥିଲା । ବେଞ୍ଜି ମେଡିଜୋଲ ନାମକ ଏକ ବିଷାକ୍ତ ଗ୍ୟାସ ଲିକ ହୋଇଥିଲା । ଏହାର ପ୍ରଭାବରେ ୨ଜଣ କର୍ମଚାରୀଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ୪ଜଣ ଗୁରୁତର ହୋଇଛନ୍ତି ।
ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି । ତେବେ ଗ୍ୟାସ ଅନ୍ୟ ଆଡେ ବ୍ୟାପିନଥିବା ପୋଲିସ କହିଛି । ଘଟଣା ନେଇ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଓ୍ୱାଇ. ଏସ. ଜଗନରେଡ୍ଡୀ ସବିଶେଷ ରିପୋର୍ଟ ମାଗିଛନ୍ତି ।
ଦେଖନ୍ତୁ ଗ୍ୟାସ ଲିକର ଭୟଙ୍କର ଚିତ୍ର: ଯେତେବେଳେ ଅଚେତ ହୋଇ ନାଳରେ ପଡ଼ିବାକୁ ଲାଗିଲେ ଲୋକ
ଗତ ୨ ମାସ ତଳେ ବିଶାଖାପାଟଣାର ଏକ କେମିକାଲ ପ୍ଲାଣ୍ଟରୁ ଗ୍ୟାସ ଲିକ୍ ହୋଇ ୨ ଶିଶୁଙ୍କ ସମେତ ୧୧ଜଣ ପ୍ରାଣ ହରାଇଥିଲେ । ପ୍ରାୟ ଏକ ହଜାର ଲୋକ ବିଷାକ୍ତ ଗ୍ୟାସ ପ୍ରଭାବରେ ଅସୁସ୍ଥ ହୋଇଥିଲେ ।
