ଚଳିତ ମାସରେ ସଂକ୍ରମଣ ବୃଦ୍ଧି ଆଶଙ୍କାରେ ରାଜ୍ୟର ୧୧ ଜିଲ୍ଲାରେ ଆଜିଠୁ ସଟ୍ଡାଉନ୍
ଭୁବନେଶ୍ୱର: ଜୁନ ମାସର ସମସ୍ତ ଶନିବାର ଓ ରବିବାର ସଟ୍ଡାଉନ୍ । ଅତି ଆବଶ୍ୟକ ନଥିଲେ ବାହାରକୁ ଯିବା ମନା । ଆଜିଠୁ ଆରମ୍ଭ ହେଉଛି ଏହି ଦୁଇ ଦିନିଆ ସଟ୍ଡାଉନ୍ । କିନ୍ତୁ ଏଥିରେ କିଛି ମାତ୍ରାରେ କୋହଳ କରିଛନ୍ତି ରାଜ୍ୟ ସରକାର । ଏହା ପୂର୍ବ ଭଳି କଡ଼ା ହେବ ନାହିଁ । ମାସକରେ ୮ଦିନ ସଂକ୍ରମଣକୁ ସଟ୍ଡାଉନ୍ ପାଇଁ ଟାର୍ଗେଟ୍ । ରାତ୍ରୀ କର୍ଫ୍ୟୁକୁ ହିସାବକୁ ନେଲେ ମାସକରେ ୧୭ଦିନ ଘରେ ରହିବା । ସଟ୍ଡାଉନ୍କୁ ମାନିବାକୁ ରାଜ୍ୟବାସୀଙ୍କୁ ନିବେଦନ କରିଥିଲେ ମୁଖ୍ୟମନ୍ତ୍ରୀ ।
ମୁହଁରେ ମାସ୍କ ପିନ୍ଧିବା, ସାମାଜିକ ଦୂରତା ବଜାୟ ରଖିବା, ୬୫ ବର୍ଷରୁ ଅଧିକ ବ୍ୟକ୍ତି, ଗର୍ଭବତୀ ଓ ୧୦ ବର୍ଷରୁ କମ ପିଲାଙ୍କୁ ପଦାକୁ ନବାହାରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅପିଲ କରିଛନ୍ତି । ତେବେ କରୋନା ସଂକ୍ରମଣର ବୃଦ୍ଧିକୁ ଦୃଷ୍ଟିରେ ରଖି ରାଜ୍ୟର ୧୧ଟି ଜିଲ୍ଲାରେ ଏହି ନିୟମ କଡ଼ାକଡ଼ି ପାଳନ କରାଯାଉଛି ।
ସେପଟେ ମୁଖ୍ୟମନ୍ତ୍ରୀଙ୍କ ସଟଡାଉନ ନିଷ୍ପତି ଓ ଆହ୍ଵାନକୁ ସ୍ୱାଗତ କରିଛନ୍ତି ବିରୋଧୀ । ଅନଲକ୍ ଓ୍ୱାନ ନେଇ କେନ୍ଦ୍ର ସରକାର କିଛି ନିୟମ କୋହଳ କରିଥିବା ବେଳେ ରାଜ୍ୟ ସରକାର କିନ୍ତୁ ଜୁନ ମାସରେ କରୋନା ସଂକ୍ରମଣ ବୃଦ୍ଧି ଆଶଙ୍କା ନେଇ କଟକଣାକୁ ଆହୁରି କଡ଼ା କରିଛନ୍ତି ।
