ଉପରମୁହାଁ କରୋନା ଗ୍ରାଫ୍, ସାରାଦେଶରେ କରାଯିବ ଦୁଇ ଦିନିଆ ମକଡ୍ରିଲ
1 min read
ନୂଆଦିଲ୍ଲୀ: ପୁଣି ଥରେ ଉପରମୁହାଁ ହୋଇଛି କରୋନା ଗ୍ରାଫ୍। ସ୍ଥିତିକୁ ନଜରରେ ରଖି ଆଲର୍ଟରେ ରହିଛି ସ୍ବାସ୍ଥ୍ୟ ବିଭାଗ। ମୁକାବିଲା ପାଇଁ ଆଜି ଓ କାଲି ସାରାଦେଶରେ ମକଡ୍ରିଲ କରାଯିବ । ଉଭୟ ସରକାରୀ ଓ ବେସରକାରୀ ହସ୍ପିଟାଲରେ ମକଡ୍ରିଲ ହେବ । ଗ୍ରାଫ ବଢୁଥିବାରୁ ହରିୟାଣା, କେରଳ ଓ ପୁଡୁଚେରୀରେ ମାସ୍କ ବାଧ୍ୟତାମୂଳକ କରାଯାଇଛି ।
ଦିଲ୍ଲୀର ସମସ୍ତ ହସ୍ପିଟାଲ, କ୍ଲିନିକକୁ କରୋନା ଟେଷ୍ଟିଂ କୁ ଗୁରୁତ୍ବ ଦେବାକୁ ନିର୍ଦ୍ଦେଶ ଜାରି କରାଯାଇଛି । ଓମିକ୍ରନ ସବଭାରିଆଣ୍ଟ XBB1କୁ ନେଇ ସତର୍କ ରହିବାକୁ କେନ୍ଦ୍ର ସ୍ବାସ୍ଥ୍ୟମନ୍ତ୍ରଣାଳୟ ପରାମର୍ଶ ଦେଇଥିବା ବେଳେ ଏହି ଭୂତାଣୁ ଅଧିକ କ୍ଷତିକାରକ ନୁହେଁ ବୋଲି ବିଶେଷଜ୍ଞ କହିଛନ୍ତି । ଦେଶରେ ଦୈନିକ ୫ହଜାରରୁ ଅଧିକ ସଂକ୍ରମିତ ଚିହ୍ନଟ ହେଉଛନ୍ତି । ଏଣୁ ସତର୍କ ରହିବା ସହ କୋଭିଡ ପ୍ରୋଟୋକଲ ପାଳନ କରିବା ପାଇଁ ଜନସାଧାରଣଙ୍କୁ ଅପିଲ କରିଛି ସ୍ବାସ୍ଥ୍ୟ ବିଭାଗ ।
