ମହାନଦୀକୁ ଗାଧୋଇବାକୁ ଯାଇ ଦୁଇ କଲେଜ ଛାତ୍ର ନିଖୋଜ

କଟକ: ମହାନଦୀକୁ ଗାଧୋଇବାକୁ ଯାଇ ଦୁଇ କଲେଜ ଛାତ୍ର ନିଖୋଜ । ମୁଣ୍ଡଳୀ ନିକଟସ୍ଥ ମହାନଦୀରେ ଘଟିଛି ଅଘଟଣ । ଅପରାହ୍ନରେ ଏକ ଘରୋଇ କଲେଜର ଦୁଇ ନାବାଳକ ଛାତ୍ର ମହାନଦୀକୁ ଗାଧୋଇବାକୁ ଯାଇ ବୁଡ଼ିଯାଇଛନ୍ତି । ନିଖୋଜ ଛାତ୍ର ହେଲେ ଆଦିତ୍ୟ ଅଭିଶେକ ମଲ୍ଲିକ, ଦେବତୂଲ୍ୟ ଚୌଧୁରୀ । ଏମାନଙ୍କ ଘର କଟକ ମଙ୍ଗଳାବାଗ ଓ ଦେଉଳସାହି ବୋଲି ଜଣାପଡ଼ିଛି । ବାରଙ୍ଗ ଅଗ୍ନିଶମ ବାହିନୀ ଉଭୟଙ୍କୁ ଖୋଜାଖୋଜି କରୁଛି । ସେପଟେ ବାଙ୍କୀ ଥାନା ଗୟଳବାଙ୍କ ଦେବିଦ୍ୱାର ପୀଠରେ ଗାଧୋଇବା ବେଳେ ଭାସି ଯାଇ ଆଉଜଣେ ନିଖୋଜ ହୋଇଛନ୍ତି । ନିଖୋଜ ବ୍ୟକ୍ତି ହେଲେ ଗୟଳବାଙ୍କ ଗାଁର ଲିଟୁ ମହାପାତ୍ର ।