ନକଲି ଟିଭି ବିକ୍ରି କରୁଥିଲେ, ବନ୍ଧା ହେଲେ

ବରଗଡ଼: ନକଲି, ନକଲି, ନକଲି । ସବୁ ନକଲି । ଯାହା ବି କିଣୁଛନ୍ତି ସାବଧାନ । ସୂତା ଠୁ ଛୁଞ୍ଚି, ଟିଭି ଠୁ ଔଷଧ ସବୁ ଡୁପଲିକେଟ୍ । ନକଲି ଖାଦ୍ୟ ସାମଗ୍ରୀ କାରବାର ଓଡ଼ିଶାରେ ଠାକ ହେବା କିଛି ନୂଆ କଥା ନୁହେଁ । ହେଲେ ଅସାମାଜିକ ବ୍ୟକ୍ତି ଏତେ ଧ୍ରୁତ ଯେ ନକଲି ଟିଭି ବି ବିକ୍ରି କରି ଦେଉଛନ୍ତି । ଆଉ ସାମାନ୍ୟ ତମ ଟେର ପାଉନାହାନ୍ତି ସାଧାରଣ ଗ୍ରାହକ । ଜାଣିବେ ବା କେମିତି । ନକଲି ମାଲ୍ ଉପରେ ପରା ଲାଗିଛି ଅସଲି ବ୍ରାଣ୍ଡ । ଏମିତି ଏକ ନକଲି ଟିଭି ଓ ଟିଭି ସାମଗ୍ରୀ ବିକ୍ରି ଅଭିଯୋଗରେ ଦୁଇ ଜଣଙ୍କୁ ବାନ୍ଧିଛି ପୋଲିସ୍ ।

ଘଟଣା ବରଗଡ଼ର । ବ୍ରାଣ୍ଡ ଅସଲି, ହେଲେ ବିକ୍ରି ହେଉଥିଲା ନକଲି ମାଲ୍ । ନକଲି  ଔଷଧ ପରେ ନକଲି ଟିଭି ଓ ଟିଭି ସାମଗ୍ରୀ ବିକ୍ରି ଅଭିଯୋଗ । ନକଲି ଇଲେକ୍ଟ୍ରି ସାମଗ୍ରୀ ବିକ୍ରି କରୁଥିବା ରାଜ୍ୟ ବାହାରର ଦୁଇ ଠକଙ୍କୁ ଗିରଫ କରାଯାଇଛି । ବ୍ରାଣ୍ଡ ନାଁରେ ଉଚ୍ଚ ମୂଲ୍ୟରେ ନକଲି ଟିଭି, ଏଲସିଡି ବିକ୍ରି କରୁଥିଲେ ଠକ ଗ୍ୟାଙ୍ଗ । ବହୁ ନକଲି ଟିଭି ଏଲ.ସି.ଡି, ୧୧ଟି ଟେଲିଭିଜନ ସେଟ୍, 3୮ଟି ସୋନି 4k ର LED ଟିଭିର ଅଲ୍ଟ୍ରା HD ସ୍ମାର୍ଟ ଷ୍ଟିକର, କଳା ରଙ୍ଗର ସୋନି ବ୍ରାଭିଆର ଷ୍ଟିକର, Qr କୋଡ଼ ଓ ସିରିଏଲ ନମ୍ବର ଇତ୍ୟାଦି ବହୁ ସାମଗ୍ରୀ ଏହି ଦୁଇ ଅପରାଧୀଙ୍କ ଠାରୁ ଜବତ କରାଯାଇଛି ।