ଏଣ୍ଡୁଅ ବିକ୍ରି ବେଳେ ଧରାପଡ଼ିଲେ ଜେଜେ-ନାତି

ଭୁବନେଶ୍ୱର: ଏଣ୍ଡୁଅ ବିକ୍ରି ପାଇଁ ଡିଲ୍‌ ବେଳେ ମାଡ଼ି ବସିଲା ବନ ବିଭାଗ। ଗିରଫ ହେଲେ ଜେଜେ ଓ ନାତି । ଏକ ବହୁରୂପୀ ଏଣ୍ଡୁଅ ବିକ୍ରି ଉଦ୍ୟମ ବେଳେ ୨ଜଣ ଧରା ପଡ଼ିଛନ୍ତି । ଗିରଫ ଦୁଇଜଣ ହେଲେ ଜଗତସିଂହପୁର ଜିଲ୍ଲା ତିର୍ତ୍ତୋଲର କ୍ଷୀରୋଦ ମହାନ୍ତି ଓ ରଶ୍ମି ରଞ୍ଜନ ଦାସ । ଭୁବନେଶ୍ବର ମଞ୍ଚେଶ୍ୱର ଶ୍ୟାମା ମୁଖାର୍ଜୀ ପାର୍କ ନିକଟରେ ଦେଢ଼ଲକ୍ଷ ଟଙ୍କାରେ ବହୁରୂପୀ ଏଣ୍ଡୁଅ ବିକ୍ରି ପାଇଁ ଉଦ୍ୟମ ବେଳେ ଦୁଇଜଣଙ୍କୁ ଗିରଫ କରାଯିବା ସହ ଏଣ୍ଡୁଅକୁ ଉଦ୍ଧାର କରାଯାଇଛି ।
ଏମାନେ ପ୍ରଥମଥର ପାଇଁ ସରୀସୃପ ବିକ୍ରୀ କରିବାକୁ ଆସିଥିଲେ ନାଁ ପୂର୍ବରୁ ମଧ୍ୟ ଏପରି କରିସାରିଛନ୍ତି ସେନେଇ ବନବିଭାଗ ତଦନ୍ତ କରୁଛି । ଶରୀସୃପ ରାକେଟ କେତେବାଟ ଲମ୍ବିଛି ତାର ଖୋଳତାଡ଼ କରାଯାଉଛି । ତେବେ ସୂଚନାନୁଯାୟୀ, ଜଟଣୀର ଏକ ଲୋକଙ୍କ ସହ ଅଜା-ନାତିଙ୍କ ଡିଲ୍ ଖବର ପାଇଁ ବନ ବିଭାଗ ଚଢାଉ କରିଥିଲା । ଏଣ୍ଡୁଅ ସହ ଦୁଇଜଣଙ୍କୁ କାବୁ କରିବାରେ ସଫଳ ହୋଇଥିଲେ । ଜଟଣୀର ଯେଉଁ ବ୍ୟକ୍ତି ଏହି ଡିଲ କରିଥିଲେ କିଣିବା ପାଇଁ ତାଙ୍କୁ ଧରିବାରେ ସକ୍ଷମ ହୋଇନାହିଁ ବନ ବିଭାଗ । ଉଭୟ ଅଜା ନାତିଙ୍କୁ ପଚରା ଉଚୁରା କରାଯାଉଛି ।