ଟ୍ବିଟରକୁ ଟ୍ରମ୍ପଙ୍କ କମବ୍ୟାକ୍, ଆକାଉଣ୍ଟ ସଚଳ କଲେ ମସ୍କ

ଓ୍ବାସିଂଟନ: ଟୁଇଟର କର୍ମଚାରୀ ସଂକଟ ଭିତରେ ଏଲନ ମସ୍କ ବଡ଼ ପଦକ୍ଷେପ । ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲଡ ଟ୍ରମ୍ପଙ୍କ ଟୁଇଟର ଆକାଉଣ୍ଟକୁ ପୁଣି ସଚଳ କଲା କମ୍ପାନୀ । ଅବାଧ ଓ ମୁକ୍ତ ବକ୍ତବ୍ୟର ପରିପ୍ରକାଶ ନୀତିକୁ ଆଧାର କରି କମ୍ପାନୀ ନେଇଛି ନିଷ୍ପତ୍ତି । ଟ୍ରମ୍ପଙ୍କ ଆକାଉଣ୍ଟ ସଚଳ କରାଯିବ କି ନାହିଁ ସେନେଇ ଆୟୋଜିତ ଭୋଟରେ ଟ୍ରମ୍ପଙ୍କ ସପକ୍ଷରେ ବହୁମତ ମିଳିଥିବାରୁ କମ୍ପାନୀ ତାଙ୍କ ଆକାଉଣ୍ଟକୁ ସଚଳ କରିଛି ।

୨୦୨୦ ନିର୍ବାଚନ ଫଳାଫଳକୁ ବାତିଲ କରିବା ଦାବିରେ ଟ୍ରମ୍ପଙ୍କ ସମର୍ଥକ ହଙ୍ଗାମା କରିବା ପରେ ଗତବର୍ଷ ଟ୍ରମ୍ପଙ୍କ ଆକାଉଣ୍ଟକୁ ବାତିଲ କରାଯାଇଥିଲା । ଟୁଇଟ କରି ଟ୍ରମ୍ପ କହିଛନ୍ତି ଲୋକଙ୍କ କଥା କହିବାର ସୁଯୋଗ ମିଳିଲା । ଲୋକଙ୍କ ସ୍ବର ହେଉଛି ଭଗବାନଙ୍କ ସ୍ବର । ଟ୍ରମ୍ପଙ୍କ ଆକାଉଣ୍ଟକୁ ସଚଳ କରିବା ଲାଗି ଟୁଇଟରର ୨୩୭ ନିୟୁତ ଡେଲି ୟୁଜରଙ୍କ ମଧ୍ୟରୁ ପ୍ରାୟ ୧୫ ନିୟୁତ ୟୁଜର ସମର୍ଥନ କରିଥିଲେ । ୫୧. ୮ ପ୍ରତିଶତ ୟୁଜର ସମର୍ଥନ କରିଥିବାବେଳେ ୪୮.୨ ପ୍ରତିଶତ ୟୁଜର ବିରୋଧ କରିଥିଲେ । ଆକାଉଣ୍ଟକୁ ବାତିଲ କରିବାବେଳେ ଟ୍ରମ୍ପଙ୍କ ଫଲୋୟରଙ୍କ ସଂଖ୍ୟା ଥିଲେ ୮୮ ନିୟୁତ ।