ଟୁଇଟର ମ୍ୟାନ ରାଜେଶ: ଘରେ ବସି ସରକାରଙ୍କୁ ଜଣାଉଛନ୍ତି ଦୁର୍ଗମ ଅଞ୍ଚଳର ସମସ୍ୟା

କନ୍ଧମାଳ: ଟୁଇଟର ମ୍ୟାନ ରାଜେଶ ବଗର୍ତ୍ତୀ । ଏ ନାଁ ତାଙ୍କୁ ଏମିତି ମିଳିନି । ଟୁଇଟରକୁ ମାଧ୍ୟମ କରି ସେ ମିତି କାମ କରି ଦେଖାଇଛନ୍ତି, ଯେଉଁଥି ପାଇଁ ଅଞ୍ଚଳର ଲୋକେ ତାଙ୍କୁ ଟୁଇଟର ମ୍ୟାନ୍ ଆଖ୍ୟା ଦେଇଛନ୍ତି । ରାଜେଶ ଘରେ ବସି ସରକାରଙ୍କୁ ଜଣାଉଛନ୍ତି ଦୁର୍ଗମ ଅଞ୍ଚଳର ସମସ୍ୟା । ଟୁଇଟ ଓ ଚିଠି ମାଧ୍ୟମରେ ପହଞ୍ଚାଉଛନ୍ତି ଲୋକଙ୍କର ଅଭିଯୋଗ । ଏଯାଏଁ ସେ ବିଭିନ୍ନ ଅଞ୍ଚଳର ସମସ୍ୟା ସମ୍ପର୍କରେ ୪୦ ହଜାର ଟୁଇଟ ସହିତ ୫ ହଜାରରୁ ଅଧିକ ଚିଠି ଲେଖିଲେଣି । ଯାହାଦ୍ବାରା ପ୍ରାୟ ୪୦ ହଜାର ସମସ୍ୟାର ସମାଧାନ ହୋଇଛି । ଏହାଛଡ଼ା ଦୁର୍ଗମ ଅଞ୍ଚଳର ପିଲାଙ୍କୁ ମାଗଣାରେ ପାଠ ପଢାଇ ସମସ୍ତଙ୍କ ପ୍ରଶଂସାର ପାତ୍ର ପାଲଟିଛନ୍ତି ରାଜେଶ ।

କେଉଁ ଗାଁରେ କଣ ରହିଛି ସମସ୍ୟା ? କିଏ ହେଉଛି ଅବହେଳିତ ଆଉ କିଏ ସରକାରୀ ସେବାରୁ ବଞ୍ଚିତ ? ଏସବୁ ସମସ୍ୟାର ଅଭିଯୋଗ ଆଙ୍ଗୁଠି ଟିପରେ । ସରକାରୀ କାର୍ଯ୍ୟାଳୟକୁ ଦୌଡ଼ି ଦୌଡ଼ି ନୁହେଁ ଘରେ ବସି ଅଧିକାରୀଙ୍କୁ କରାଯାଉଛି ଅଭିଯୋଗ । ଟୁଇଟରେ କପ୍ଲେଂନ ପରେ ହେଉଛି ତୁରନ୍ତ ସ୍ଲୁସନ । ଦୁର୍ଗମ ଅଞ୍ଚଳ ଓ ସରକାରୀ ବିଭାଗ ମଧ୍ୟରେ ସେତୁ ସାଜିଛନ୍ତି ରେଜେଶ । କନ୍ଧମାଳ ଜିଲ୍ଲା ଘୁ.ଉଦୟଗିରି ଗଟାମାହା ଗାଁର ବାସିନ୍ଦା । ଟୁଇଟ କରି ନିଜ ଅଞ୍ଚଳ, ଜିଲ୍ଲା ତଥା ରାଜ୍ୟର ବିଭିନ୍ନ ସ୍ଥାନର ସମସ୍ୟାର ସମାଧାନ ପାଇଁ ଲାଗି ପଡ଼ିଛନ୍ତି । ଜିଲ୍ଲାଠାରୁ ରାଷ୍ଟପତିଙ୍କ କାର୍ଯ୍ୟାଳୟକୁ ଟୁଇଟ ଓ ଚିଠି ମାଧ୍ୟମରେ ଲୋକଙ୍କ ସମସ୍ୟା କରାଉଛନ୍ତି ଅବଗତ ।

ପେପର ପଢି ବିଭିନ୍ନ ଅଞ୍ଚଳର ସମସ୍ୟା ସମ୍ପର୍କରେ ଅବଗତ ହୁଅନ୍ତି ରାଜେଶ । ପରେ ପକ୍କା ରାସ୍ତା, ବିଦ୍ୟୁତ୍ ସଂଯୋଗ, ଟାଓ୍ବାର, ପାନୀୟ ଜଳ ଯୋଗାଣ, ଶିକ୍ଷା, ସ୍ବାସ୍ଥ୍ୟ ଆଦି ଏକାଧିକ ସମସ୍ୟା ସମ୍ପର୍କରେ ପ୍ରଶାସନକୁ କରାଇଥାନ୍ତି ଅବଗତ ।

ରାଜେଶ ରେଭେନ୍ସା ବିଶ୍ବବିଦ୍ୟାଳୟର ଇତିହାସ ବିଭାଗରେ ପିଏଚଡ଼ି କରୁଥିବାବେଳେ ଫୁଲବାଣୀ ମହାବିଦ୍ୟାଳରେ ଅତିଥି ଅଧ୍ୟାପକ ଭାବେ କାର୍ଯ୍ୟରତ । ସେ ମାଗଣାରେ ଗ୍ରାମୀଣ ଛାତ୍ରଛାତ୍ରୀଙ୍କୁ ପାଠ ପଢାଇବା ସହିତ ପାଠ୍ୟ ଉପକରଣ ମଧ୍ୟ ପ୍ରଦାନ କରୁଛନ୍ତି ।