ନୂଆଦିଲ୍ଲୀ: ଦିନକୁ ଦିନ ବିବାଦ ଘେରରେ ଛନ୍ଦି ହେଉଛି ଟ୍ୱିଟର। ଚାଇଲ୍ଡ ପର୍ଣ୍ଣୋଗ୍ରାଫିକୁ ନେଇ ଟ୍ୱିଟରକୁ କଡ଼ା ଚେତାବନୀ ଦେଇଛି NCW ବା ଜାତୀୟ ମହିଳା କମିସନ।
ପୂର୍ବରୁ ଟ୍ୱିଟର ବିରୋଧରେ ଜାତୀୟ ଶିଶୁ ଅଧିକାର ସୁରକ୍ଷା ଆୟୋଗ ବା NCPCR ଅଭିଯୋଗ ଆଣିଥିଲେ। ଏ ନେଇ ଦିଲ୍ଲୀ ସାଇବର ସେଲ ମାମଲା ରୁଜୁ କରିଛି ।
ତେବେ ଶିଶୁ ପର୍ଣ୍ଣୋଗ୍ରାଫି କଣ୍ଟେଣ୍ଟକୁ ନେଇ NCW ତୀବ୍ର ପ୍ରତିକ୍ରିୟା ରଖିଛି। ଟ୍ୱିଟରକୁ ଜବାବ ରଖିବାକୁ ୭ ଦିନର ସମୟ ଦିଆଯାଇଛି। ୭ଦିନ ମଧ୍ୟରେ ଶିଶୁ ପର୍ଣ୍ଣୋଗ୍ରାଫି ସଂକ୍ରାନ୍ତ ଫଟୋ, ଭିଡିଓ ସାଇଟରୁ ହଟାଇବାକୁ ଜାତୀୟ ମହିଳା କମିସନ ପକ୍ଷରୁ କୁହାଯାଇଛି । ନ ହେଲେ କମ୍ପାନୀ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚେତାବନୀ ମଧ୍ୟ ଦିଆଯାଇଛି ।
ଏ ସମ୍ପର୍କରେ NCW ଅଧ୍ୟକ୍ଷ ରେଖା ଶର୍ମା ଟ୍ୱିଟର ଇଣ୍ଡିଆର ଏମ୍ଡିଙ୍କୁ ଚିଠି ଲେଖି ଜଣାଇଛନ୍ତି। ଏଥିସହିତ କମ୍ପାନୀର ସାଇଟ୍ରୁ ସମସ୍ତ ପ୍ରକାରର ଅଶ୍ଳୀଳ ପୋଷ୍ଟ ହଟାଇବାକୁ ମଧ୍ୟ ନିର୍ଦ୍ଦେଶ ଦିଆଯାଇଥିବା ଜଣାପଡିଛି।
