ଟ୍ବିନସିଟିକୁ ରାତିରେ ଜଗିବେ ୨୫ ପ୍ଲାଟୁନ୍ ପୋଲିସ୍

ଭୁବନେଶ୍ବର: ଆଜିଠୁ ଟ୍ବିନସିଟିରେ ଲାଗୁ ହେବ ନାଇଟକର୍ଫ୍ୟୁ । ରାତି 9 ଟାରୁ ସକାଳ ୫ ଯାଏଁ ଲାଗିବ କଟକଣା । ଫେବ୍ରୁଆରୀ 1 ଯାଏଁ ବଳବତ୍ତର ରହିବ । କୋଭିଡ ନିମୟ ଭାଙ୍ଗି ଅମାନିଆ ହେଲେ ଦୃଢ଼ କାର୍ଯ୍ୟାନୁଷ୍ଠାନ ଚେତାବନୀ ଦେଲେ ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ । ସେ କହିଛନ୍ତି, ‘ଟ୍ବିନସିଟିରେ ନିୟୋଜିତ ହେବେ ୨୫ ପ୍ଲାଟୁନ ପୋଲିସ ଫୋର୍ସ ଓ ୧୦୦ ଅଫିସର । ଦୋକାନ, ମଲ, ହୋଟେଲ ମାଲିକଙ୍କ ଦାୟିତ୍ବ କୋଭିଡ ନିୟମ ପାଳନ କରିବା । ନିୟମ ଭଙ୍ଗ ହେଲେ 7 ଦିନ କିମ୍ବା ଅଧିକ ଦିନ ଯାଏଁ ଦୋକାନ ସିଲ ହେବ । ତୃତୀୟ ଲହର ମୁକାବିଲା ପାଇଁ ସମସ୍ତଙ୍କୁ ସଚେତନ ରହିବାକୁ ପଡ଼ିବ । ଏଥିପାଇଁ ଲୋକେ ଆମକୁ ସହଯୋଗ କରିବା ଆବଶ୍ୟକ ।’