ଦେଉଥିଲେ ପାଣିପାଗ ସଂପର୍କିତ ସୂଚନା, ହଠାତ ସ୍କ୍ରିନରେ ଚାଲିବାକୁ ଲାଗିଲା ପର୍ଣ୍ଣ ଭିଡିଓ, ଆଉ ତାପରେ…

ୱାଶିଂଟନ: ଆମେରିକାର ୱାଶିଂଟନ୍‌ରେ ପାଣିପାଗ ପୂର୍ବାନୁମାନ ଦେଖୁଥିବା ଦର୍ଶକମାନେ ରବିବାର ସନ୍ଧ୍ୟାରେ ଟିକେ ଆଶ୍ଚର୍ଯ୍ୟ ହୋଇଯାଇଥିଲେ । ଏହି ସମୟରେ ଏକ ସ୍ଥାନୀୟ ନ୍ୟୁଜ୍ ଚ୍ୟାନେଲ୍ ପାଣିପାଗ ସୂଚନା ଦେବା ସମୟରେ ଭୁଲ୍ ଭାବରେ ଏକ ଅଶ୍ଳୀଳ କ୍ଲିପ୍ ପ୍ରସାରଣ କରିଥିଲା । ୱାଶିଂଟନ୍‌ର ସ୍ପୋକାନେରେ ଏକ ନ୍ୟୁଜ୍ ଚ୍ୟାନେଲ୍ ସଂନ୍ଧ୍ୟା ୬ ଟାରେ ନ୍ୟୁଜ୍ ପ୍ରସାରଣ ସମୟରେ ୧୩ ସେକେଣ୍ଡର ଏହି ଭିଡିଓ ପ୍ରସାରଣ କରିଥିଲା ​​।

ହଠାତ୍ ସ୍କ୍ରିନ୍‌ରେ ଉପସ୍ଥାପକଙ୍କ ପଛରେ ଏକ ପର୍ଣ୍ଣ କ୍ଲିପ୍ ଚାଲିବା ଆରମ୍ଭ କରିଥିଲା । ଏହି ସମୟରେ ପାଣିପାଗ ବିଶେଷଜ୍ଞ ମିସେଲ ବସ୍ ପାଣିପାଗ ଅପଡେଟ୍ ଦେଉଥିଲେ । ଏହି ଭିଡିଓ ବିଷୟରେ ସେ କିମ୍ବା ତାଙ୍କ କୋ-ଆଙ୍କର୍ କୋଡି ପ୍ରକ୍ଟରଙ୍କର କୌଣସି ଧାରଣା ନଥିଲା । ଗ୍ରାଫିକ୍ ଭିଡିଓ ସ୍କ୍ରିନ୍‌ରେ ଚାଲିବା ପୂର୍ବରୁ ଉଭୟେ ସେମାନଙ୍କ ରିପୋର୍ଟ ଜାରି ରଖିଥିଲେ ।

ରିପୋର୍ଟ ଅନୁଯାୟୀ, ରାତି ୧୧ ଟା ପ୍ରସାରଣ ସମୟରେ ଏହି ଭିଡିଓ ପାଇଁ ଚ୍ୟାନେଲ୍ କ୍ଷମା ମାଗିଛି । କହିଛି ଯେ, ଆଜି ରାତିରେ ଆମର ଖବର ପ୍ରସାରଣରେ କିଛି ଘଟିଛି, ଆମେ ସମସ୍ତେ ଏଥିପାଇଁ କ୍ଷମା ମାଗିବାକୁ ଚାହୁଁଛୁ । “ଶୋ’ର ପ୍ରଥମାର୍ଦ୍ଧରେ ଏକ ଭିଡିଓ ପ୍ରସାରିତ ହୋଇଥିଲା । ଏହା ଯେପରି ପୁନରାବୃତ୍ତି ନହୁଏ ସେଥିପାଇଁ ଆମେ ଚେଷ୍ଟା କରୁଛୁ ।”