ଟିଭି ଅଭିନେତ୍ରୀ କାମ୍ୟା ଧରିଲେ କଂଗ୍ରେସ ‘ହାତ’

ନୂଆଦିଲ୍ଲୀ: ଟିଭି ଅଭିନେତ୍ରୀ କାମ୍ୟା ପଞ୍ଜାବୀ ଆଜି କଂଗ୍ରେସ ପାର୍ଟିରେ ଯୋଗ ଦେଇଛନ୍ତି। ମୁମ୍ବାଇ କଂଗ୍ରେସ ସଭାପତି ଭୋ ଜଗତାପ, କାର୍ଯ୍ୟକାରୀ ସଭାପତି ଚରଣ ସିଂ ସାପ୍ରା ଏବଂ ଯୁବ ନେତା ସୁରଜ ସିଂ ଠାକୁର ଏହି ଅବସରରେ କାମ୍ୟାଙ୍କୁ ସ୍ୱାଗତ କରିଛନ୍ତି। ଏହି ସମୟରେ କାମ୍ୟା ଭାରତୀୟ ଲୁକରେ ନଜର ଆସିଥିଲେ। ଯାହାର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି।

ପୂର୍ବରୁ ଏକ ସାକ୍ଷାତକାରରେ କାମ୍ୟା ରାଜନୀତିରେ ପ୍ରବେଶ କରିବା ନେଇ କହିଥିଲେ। ‘ମୁଁ ମୋ ଦେଶ ପାଇଁ କାମ କରିବାକୁ ଚାହୁଁଛି। ମୁଁ ଦେଶର ସେବା କରିବାକୁ ଚାହୁଁଛି। ମୁଁ ଅନ୍ୟ କାର୍ଯ୍ୟ ସହିତ ମହିଳା ସଶକ୍ତିକରଣ ଉପରେ କାମ କରିବାକୁ ଚାହୁଁଛି | ଘରୋଇ ହିଂସାର ଶିକାର ହୋଇଥିବା ମହିଳାମାନଙ୍କୁ ମୁଁ ସାହାଯ୍ୟ କରିବାକୁ ଚାହୁଁଛି | ମୁଁ ମଧ୍ୟ କିଛି ବର୍ଷ ପୂର୍ବେ ଏହାର ଶିକାର ହୋଇଥିଲି | ରାଜନୀତିରେ ଯୋଗଦେବା ପଛରେ ମୋର ଏକ ବଡ଼ ଉଦ୍ଦେଶ୍ୟ ଅଛି |