ନୂଆଦିଲ୍ଲୀ : ଦିଲ୍ଲୀରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଛାତ୍ରମାନଙ୍କର ସ୍ମରଣଶକ୍ତି ବୃଦ୍ଧି ହେବ ବୋଲି କହି ସେମାନଙ୍କୁ ସାଧାରଣ ସାଲାଇନର ଇଞ୍ଜେକ୍ସନ ଦେଉଥିବା ଜଣେ ଟ୍ୟୁସନ୍ ସାରଙ୍କୁ ଦିଲ୍ଲୀ ପୁଲିସ ଗିରଫ କରିଛି । ବି.ଏ ପଢ଼ୁଥିବା ସନ୍ଦୀପ ନାମକ ଜଣେ ଯୁବକ ପୂର୍ବ ଦିଲ୍ଲୀର ମଣ୍ଡୱାଲି ଥାନା ଅଞ୍ଚଳରେ ଷଷ୍ଠରୁ ନବମ ଶ୍ରେଣୀ ପିଲାଙ୍କୁ ଟ୍ୟୁସନ୍ କରେ।
ସେ ଛାତ୍ରଙ୍କୁ ସ୍ମରଣଶକ୍ତି ବୃଦ୍ଧି ପାଇଁ ଇଞ୍ଜେକସନ୍ ଦେଇଥାଏ। ଜଣେ ଛାତ୍ର ତାଙ୍କ ଘରେ ଏହି ସୂଚନା ଦେବା ପରେ ସଂପୃକ୍ତ ଅଭିଭାବକ ଜଣକ ପୋଲିସକୁ ଏହି ସୂଚନା ଦେଇଥିଲେ। ତଦନ୍ତ ସମୟରେ ସନ୍ଦୀପ ଏଭଳି କାର୍ଯ୍ୟ କରିଥିବା ମାନିଯାଇଛି । ପୁଲିସ ସନ୍ଦୀପ ବିରୋଧରେ ଆଇପିସିର ଧାରା ୩୩୬ ଅଧୀନରେ ଏକ ମାମଲା ରୁଜୁ କରିଛି ।
