୫୦ କେଜି କଇଁଛ ଚୋରା ଚାଲାଣ ବେଳେ ମାଡ଼ିବସିଲା ପୋଲିସ

ଯାଜପୁର: ବେଆଇନ ମଧୁରଜଳ କଇଁଛ ଚୋରା ଚାଲାଣ ବେଳେ ମାଡ଼ିବସିଲା ପୋଲିସ । କଇଁଛ ଉଦ୍ଧାର ସହ ଜଣେ କୋଲକାତା ବେପାରୀକୁ ଗିରଫ କରିଛି ଛତିଆ ଫାଣ୍ଡି ପୋଲିସ । ଯାଜପୁର ଜିଲ୍ଲା ବଇରୀ ଥାନା ମୂଳିଝରରେ କଇଁଛ ଚୋରା ଚାଲାଣ ହେଉଥିବା ଖବର ପାଇ ଚଢାଉ କରିଥିଲା ପୋଲିସ ।

ସେପଟେ ଏହି ବେପାରୀଙ୍କ ଘରୁ ୫୦ କେଜିର କଇଁଛ ଉଦ୍ଧାର ହେବା ସହ ଜଣେ ଯୁବକକୁ ଗିରଫ କରିଛି ପୋଲିସ  । ଯୁବକଙ୍କ ନାଁ ସରୋଜ ମଲ୍ଲିକ । କଇଁଛ ଗୁଡିକୁ ବୈରୀ ଡାଲିଯୋଡ଼ା ବନ ବିଭାଗକୁ ହସ୍ତାନ୍ତର ସହ ଅଧିକ ତଦନ୍ତ ଚଳାଇଛି ପୋଲିସ ।

ଏହି କଇଁଛ ଚୋରା ଚାଲାଣ କେଉଁଠାରୁ କରାଯାଇଛି  । ଏଥିରେ କେଉଁ କେଉଁ ମାନେ ସଂଶ୍ଲିଷ୍ଟ ରହିଛନ୍ତି  । ବେଆଇନ କଇଁଛ ଚାଲାଣ ପଛରେ କେବଳ ଏହି ବ୍ୟକ୍ତି, ନା ଅନ୍ୟ କାହାର ହାତ ରହିଛି ତାହାର ସନ୍ଧାନ ଚଳାଇଛି ପୋଲିସ  ।