ହଳଦୀ କଫିର ଚମତ୍କାରିତା, ମିଳିବ ଏସବୁ ଫାଇଦା

ଭୁବନେଶ୍ବର: ଆଜିକାଲି କଫି କାହାକୁ ପସନ୍ଦ ନୂହେଁ । ବିନା କଫିରେ କିଛି ଲୋକ ବିଛଣା ଛାଡିନଥାନ୍ତି ବୋଲି କହିବା ମଧ୍ୟ କିଛି ଭୁଲ ହେବ ନାହିଁ । ଅଧିକାଂଶ ଲୋକଙ୍କର ଦିନ କଫିରେ ଆରମ୍ଭ ହୋଇଥିବା ବେଳେ ଅନ୍ୟ କିଛି କଫି ପିଇ ନିଜକୁ ସତେଜ ଅନୁଭବ କରିଥାନ୍ତି । ତେବ କିଛି ବିଶେଷଜ୍ଞଙ୍କ ମତାନୁସାରେ ଖାଲି ପେଟରେ କଫି ସେବନ ସ୍ବାସ୍ଥ୍ୟ ପାଇଁ କ୍ଷତିକାରକ ବୋଲି ତଥ୍ୟ ଦେଇଛନ୍ତି । କଫିରେ ଅତ୍ୟାଧିକ କାଫିନ ରହିଥିବାରୁ ଏହାକୁ ଅଧିକ ସେବନ କଲେ ବିପଦ ବୋଲି କୁହାଯାଇଥାଏ ।

ତେବେ ଆପଣଙ୍କୁ ଯଦି କଫି ପସନ୍ଦ ତାହାଲେ କଫି ପିଇବା ପୂର୍ବରୁ ଏକ ବିଶେଷ କଥା ଜାଣିନିଅନ୍ତୁ । କଫିକୁ ସ୍ବାସ୍ଥ୍ୟକାରୀ ବନାଇବା ପାଇଁ ଏଥିରେ ହଳଦୀର ଉପେଯାଗ କରିପାରନ୍ତି । ଏହା ସ୍ବାସ୍ଥ୍ୟ ପାଇଁ ଉପେଯାଗୀ ହୋଇଥିବା ବେଳେ ଏଥିରୁ ଆମକୁ ଭରପୁର ଆଣ୍ଟି-ଅକ୍ସିଡାଣ୍ଟ ଓ ଇନଫ୍ଲେମେଟାରୀ ଗୁଣ ମିଳିଥାଏ ।
ଏବଂ ହଳଦୀ କଫି ପିଇବା ଦ୍ବାରା ଏହା ଆମ ଶରୀରକୁ ସଂକ୍ରମଣରୁ ରକ୍ଷା କରିବା ସହିତ ପ୍ରତିରୋଧ ଶକ୍ତିକୁ ବଢାଇଥାଏ । ଏହା ସହିତ ଏଥିରୁ ଅନେକ ଫାଇଦା ମଧ୍ୟ ମିଳିଥାଏ ଯେପରିକି ଏସିଡିଟି, ହାଡରେ ଯନ୍ତ୍ରଣା ହେଉଥିଲେ ମଧ୍ୟ ଏହା ଦୂର କରିଥାଏ ।

ତେବେ ଏହାକୁ ପ୍ରସ୍ତୁତ କରିବା ପାଇଁ ପ୍ରଥମେ ଏକ କପ ପାତ୍ରରେ କଫି ଗୁଣ୍ଡକୁ ଫେଣ୍ଟି ଦିଅନ୍ତୁ । ଆଉ ଏକ ପାତ୍ରରେ ୧କପ କ୍ଷୀର ନେଇ ୧ଚାମଚ ହଳଦୀ ମିଶାଇ ଦିଅନ୍ତୁ । ଏହାପରେ ମିଶ୍ରଣକୁ ଏକାଠି କରି ଗ୍ୟାସେର କିଛି ସମୟ ଫୁଟାଇ ଦେବା ପରେ କଫି ଗୁଣ୍ଡ ମିଶାଇ ଆଉ କିଛି ସମୟ ଫୁଟାନ୍ତୁ । ଏହାପରେ ପ୍ରସ୍ତୁତ ହୋଇଯିବ ଆପଣଙ୍କ ହଳଦୀ କଫି ।