ନନ୍ଦିଘୋଷ ବ୍ୟୁରୋ: ଭାରତର ପ୍ରତିବାଦ ସତ୍ତ୍ବେ ପାକିସ୍ତାନକୁ ଖୋଲାଖୋଲି ସମର୍ଥନ ଜଣାଇଛି ତୁର୍କୀ। ଅପରସେନ ସିନ୍ଦୂର ବେଳେ ପାକିସ୍ତାନକୁ ସମର୍ଥନ କରିଥିବାରୁ ତୁର୍କୀ ବିରୋଧରେ ବୟକଟ ଆହ୍ବାନ ଦେଇଥିଲା ଭାରତ। ଏହା ସତ୍ତ୍ବେ ଇସଲାମାବାଦକୁ ଆଙ୍କାରା ସବୁ ସମୟରେ ସହଯୋଗ କରିଆସିବ ବୋଲି କହିଛନ୍ତି ତୁର୍କୀ ରାଷ୍ଟ୍ରପତି ରିସେପ ତାୟିପ ଏର୍ଡୋଗାନ। ଅପରେସନ ସିନ୍ଦୂର ବେଳେ ପାକିସ୍ତାନକୁ ତୁର୍କୀ ୩୫୦ ଡ୍ରୋନ ଯୋଗାଇଥିବା ସୂଚନା ମିଳିଛି। ସମର୍ଥନ ଲାଗି ଏର୍ଡୋଗନଙ୍କୁ ପାକ୍ ପ୍ରଧାନମନ୍ତ୍ରୀ ଶେହବାଜ ସରିଫ ଧନ୍ୟବାଦ ଜଣାଇବା ପରେ ପରେ ପାକିସ୍ତାନକୁ ନିଜର ସମର୍ଥନ ଦୋହରାଇଛନ୍ତି ଏର୍ଡୋଗାନ। ନିଜ ବିବୃତିରେ ଏର୍ଡୋଗାନଙ୍କୁ ଭାଇ ବୋଲି ସମ୍ବୋଧନ କରିଥିଲେ ସରିଫ। ଅପରେସନ ସିନ୍ଦୂର ବେଳେ ପାକିସ୍ତାନକୁ ତୁର୍କୀ ଡ୍ରୋନ ଯୋଗାଇଥିଲା ଯାହାକି ଭାରତର ସାମରିକ ପ୍ରତିଷ୍ଠାନ ବିରୋଧରେ ବ୍ୟବହୃତ ହୋଇଥିଲା।
