ଆମେରିକା, ଫ୍ରାନ୍ସ ଓ ଜର୍ମାନୀ ସମେତ ୧୦ ଦେଶର ରାଜଦୂତଙ୍କୁ ଦେଶ ଛାଡ଼ିବାକୁ ତୁର୍କୀର ନିର୍ଦ୍ଦେଶ

1 min read

ଆଙ୍କରା: ତୁର୍କୀ ରାଷ୍ଟ୍ରପତି ରିସେପ ତାଇପ ଏର୍ଦୋଗାନ ଆମେରିକା, ଫ୍ରାନ୍ସ ଏବଂ ଜର୍ମାନୀ ସମେତ ୧୦ ଦେଶର ରାଜଦୂତଙ୍କୁ ଦେଶ ଛାଡ଼ିବାକୁ ନିର୍ଦ୍ଦେଶ ଦେଇଛନ୍ତି । ତୁର୍କୀ ସରକାର ଏମାନଙ୍କୁ Person Non Grata ଅଣସ୍ୱୀକାର୍ଯ୍ୟ ବ୍ୟକ୍ତି ଘୋଷିତ କରିଛନ୍ତି । ଏହି ରାଜଦୂତମାନେ ତୁର୍କୀରେ ବନ୍ଦୀ ଥିବା ଜଣେ ସମାଜିକ କର୍ମୀଙ୍କୁ ମୁକ୍ତ କରିବାକୁ ଅପିଲ୍ କରିଥିଲେ । ଦେଶର ରାଜଧାନୀ ଆଙ୍କାରାରେ ୟୁଏସ୍ , ଫ୍ରାନ୍ସିସ୍ ଏବଂ ଜର୍ମାନୀ ସହିତ ୧୦ଦେଶର ରାଜଦୂତ ଏହି ସପ୍ତାହ ଆରମ୍ଭରେ ଏକ ବୟାନ ଜାରି କରି କହିଛନ୍ତି ଯେ, ତୁର୍କୀ ବ୍ୟବସାୟୀ ଉସ୍‌ମାନ କବଲା ଦୋଷୀ ନ ଥିବା ସତ୍ତ୍ୱେ ୨୦୧୭ଠାରୁ ଜେଲ୍‌ରେ ରଖାଯାଇଛି ।

ଅପରପକ୍ଷରେ ଏର୍ଦୋଗାନ ନିଜ ବୈଦେଶିକ ମନ୍ତ୍ରୀଙ୍କୁ ଘଟଣା ସମ୍ପର୍କରେ ନଜର ରଖିବାକୁ କହିବା ସହ କାର୍ଯ୍ୟାନୁଷ୍ଠାନ ପାଇଁ ସୁପାରିସ କରିଥିବା ପଶ୍ଚିମ ସହର ଏକ୍ସିସେରରେ ଅନୁଷ୍ଠିତ ଏକ ରାଲିରେ କହିଛନ୍ତି । ସେ ଆହୁରି କହିଥିଲେ, ଯେଉଁମାନେ ତୁର୍କୀକୁ ବୁଝିପାରିବେ ନାହିଁ ସେମାନେ ଦେଶ ଛାଡ଼ି ଯାଇପାରିବେ । ୟୁଏସ୍, ଫ୍ରାନ୍ସ ଏବଂ ଜର୍ମାନ ସମେତ ନେଦରଲ୍ୟାଣ୍ଡ, କାନାଡା, ଡେନମାର୍କ, ସ୍ୱଡେନ, ନରଓ୍ୱେ ଏବଂ ନ୍ୟୁଜିଲ୍ୟାଣ୍ଡର ରାଜଦୂତଙ୍କୁ ଅଣସ୍ୱୀକାର୍ଯ୍ୟ ବ୍ୟକ୍ତି ଭାବେ ଘୋଷଣା କରାଯାଇଛି । ଏ ସମସ୍ତଙ୍କୁ ମଙ୍ଗଳବାର ବିଦେଶ ମନ୍ତ୍ରାଳୟ ରିପୋର୍ଟ ତଲବ କରିଛନ୍ତି । ପରସନ ନନ୍ ଗ୍ରେଟା ଘୋଷଣାର ସାଧାରଣତଃ ମାନେ ହେଉଛି ରାଜଦୂତ ଅବସ୍ଥାପିତ ଦେଶରେ ରହିବା ନେଇ ପ୍ରତିବନ୍ଧକ ଜାରି କରିବା ।

୬୪ ବର୍ଷୀୟ କବାଲାଙ୍କୁ ୨୦୨୦ରେ ୨୦୧୩ରେ ଦେଶବ୍ୟାପୀ ସରକାର ବିରୋଧୀ ପ୍ରଦର୍ଶନ ସହ ଜଡ଼ିତ ଅଭିଯୋଗରେ ମୁକ୍ତ କରାଯାଇଥିଲା । କିନ୍ତୁ ପରେ ଏହି ଆଦେଶକୁ ପ୍ରତ୍ୟାହାର କରିଦିଆଯାଇଥିଲା ଏବଂ ୨୦୧୬ରେ କ୍ଷମତା ପରିବର୍ତ୍ତନ ନେଇ ପ୍ରୟାସ ସମ୍ପର୍କିତ ଅଭିଯୁକ୍ତଙ୍କ ମଧ୍ୟରେ ତାଙ୍କୁ ସାମିଲ କରାଯାଇଥିଲା ।

ଏଥିସହିତ ପଢ଼ନ୍ତୁ: ପାର୍ବଣରେ ବ୍ୟାପୁଛି କରୋନା, ୨ଟି ଟ୍ରେନର ୫୫ ଯାତ୍ରୀ କୋଭିଡ୍ ସଂକ୍ରମିତ

Leave a Reply