‘ହୁ’ ମୁଖ୍ୟଙ୍କ ଗୁଜୁରାଟି ନାଁ ଦେଲେ ପ୍ରଧାନମନ୍ତ୍ରୀ: ଡାକିଲେ ‘ତୁଳସୀ ଭାଇ’

ଗାନ୍ଧିନଗର: ‘ହୁ’ ମୁଖ୍ୟଙ୍କୁ ‘ତୁଳସୀ ଭାଇ’ ବୋଲି ସମ୍ବୋଧନ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବୁଧବାର ଦିନ ଗୁଜୁରାଟ ଗାନ୍ଧିନଗରରେ ଏକ ଦିବସୀୟ ଗ୍ଲୋବାଲ ଆୟୁଷ ଇନଭେଷ୍ଟମେଣ୍ଟ ଆଣ୍ଡ ଇନୋଭେସନ ମମ୍ମିଳନୀ ଉଦଘାଟନ କରିବା ଅବସରରେ ପ୍ରଧାନମନ୍ତ୍ରୀ ଏହା କହିଛନ୍ତି ।  ପ୍ରଧାନମନ୍ତ୍ରୀ କୌତୁହଳ ସହ କହିଥିଲେ ଯେ ‘ହୁ’ ମୁଖ୍ୟ ତାଙ୍କର ଜଣେ ଭଲ ବନ୍ଧୁ ।

ପ୍ରଧାନମନ୍ତ୍ରୀଙ୍କ କହିବା ଅନୁସାରେ ଜଣେ ଭାରତୀୟ ଶିକ୍ଷକ ‘ହୁ’ ମୁଖ୍ୟଙ୍କୁ ପାଠ ପଢ଼ାଇଥିଲେ । ସେ ଜଣେ ‘ପକ୍କା ଗୁଜୁରାଟି’ ଏବଂ ତାଙ୍କ ନାମକରଣ ଗୁଜୁରାଟି ଭାଷା ଅନୁସାରେ କରାଯାଉ । ଏହି ଅନୁସାରେ ପ୍ରଧାନମନ୍ତ୍ରୀ ତାଙ୍କ ନାମ ‘ତୁଳସୀ ଭାଇ’ ରଖିଥିବା କହିଛନ୍ତି ।

ଏଠାରେ ଆପଣଙ୍କୁ କହି ରଖିବାକୁ ଚାହୁଁଛୁ ଯେ, ଗୁଜୁରାଟରେ ବିଶ୍ୱ ସ୍ୱାସ୍ଥ୍ୟ ସଂଗଠନର ଗ୍ଲୋବାଲ ସେଣ୍ଟର ଫର ଟ୍ରାଡିସନାଲ ମେଡିସିନର ଉଦଘାଟନ କରାଯାଇଥିଲା । ଏହି ଅବସରରେ ‘ହୁ’ ର ମୁଖ୍ୟ ଡ. ଟେଡ୍ରୋସ ଘେବ୍ରୟେସସ ଯୋଗ ଦେଇଥିଲେ । ତାଙ୍କ ବ୍ୟତୀତ ଉଦଘାଟନୀ କାର୍ଯ୍ୟକ୍ରମରେ ମୋରିଶସର ପ୍ରଧାନମନ୍ତ୍ରୀ ପ୍ରବିନ୍ଦ କୁମାର ଜୁଗନ୍ନଥ, ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ ଓ କେନ୍ଦ୍ର ଆୟୁଷ ମନ୍ତ୍ରୀ ସଦାନନ୍ଦ ସୋନୱାଲ ବି ଉପସ୍ଥିତ ଥିଲେ ।