ନନ୍ଦିଘୋଷ ବ୍ୟୁରୋ : ଚୀନ ଉପରେ ଆମେରିକାର ୧୦୦ ପ୍ରତିଶତ ଟାରିଫକୁ ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କ ଫୁ। କହିଲେ- ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ ଗ୍ରହଣ କରୁଛନ୍ତି ଦୋମୁହାଁ ନୀତି। ଆମେରିକାର ଟାରିଫ ବିରୋଧୀ ଯୁଦ୍ଧରେ ସେ ଲଢେଇ କରିବାକୁ ପ୍ରସ୍ତୁତ ବୋଲି କହିଛନ୍ତି ଜିନପିଙ୍ଗ। ଗତକାଲି ଚୀନ ବିରୋଧରେ ଟ୍ରମ୍ପ ୧୦୦ ପ୍ରତିଶତ ଟାରିଫ ଲାଗୁ କରିବା ଫଳରେ ଚୀନ ଉପରେ ମୋଟ ଟାରିଫ ଭାର ୧୩୦ ପ୍ରତିଶତ ଛୁଇଁଥିଲା। ଟ୍ରମ୍ପଙ୍କ ଟାରିଫ ବୋଝକୁ ବି ସମାଲୋଚନା କରିଛି ଚୀନର ବାଣିଜ୍ଯ ମନ୍ତ୍ରାଳୟ। ଆସନ୍ତା ନଭେମ୍ବର ୧ରୁ ଚୀନ ବିରୋଧରେ ଲାଗୁ ହେବ ୧୦୦ ପ୍ରତିଶତ ଟାରିଫ। ଏହି ଘୋଷଣା ଯୋଗୁ ପ୍ରଭାବିତ ହେବ ଚୀନର ରପ୍ତାନି। ଟ୍ରମ୍ପଙ୍କ ଏହି ଘୋଷଣା ପରେ ଦୁଇ ଦେଶ ମଧ୍ୟରେ କୂଟନୈତିକ ଓ ବାଣିଜ୍ୟିକ ଉତ୍ତେଜନା ଅଧିକ ହୋଇଛି।
