ରାଞ୍ଚି ଯାଉଥିବା ବେଳେ ବାଟରେ ଜଳିଗଲା ପେପର ବୋଝେଇ ଟ୍ରକ୍

ରାୟଗଡ଼ା: ନିଆଁ ଲାଗି ଜଳିଗଲା ପେପର ବୋଝେଇ ଟ୍ରକ । ଟ୍ରକଟି ଜେକେପୁର କାଗଜ କଳରୁ କାଗଜ ନେଇ ରାଞ୍ଚି ଅଭିମୁଖେ ଯାଉଥିଲା । ରାୟଗଡା ଜିଲ୍ଲା ବିଷମକଟକ ଥାନା ଅନ୍ତଗର୍ତ ବୃନ୍ଦାବାଡି ଗାଁ ନିକଟରେ ନିଆଁ ଲାଗିଯାଇଥିଲା ।

ଗ୍ରାମବାସୀ ନିଆଁ ଲିଭାଇବାକୁ ଚେଷ୍ଠା କରି ବିଫଳ ହୋଇଥିଲେ । ଖବର ପାଇଁ ଅଗ୍ନିଶମ ବାହିନୀ ଘଟଣାସ୍ଥଳରେ ପହଁଚିବା ପୂର୍ବରୁ ଗାଡିଟି ସମ୍ପୂର୍ଣ୍ଣ ଜଳିଯାଇଥିଲା ।

ସଟ୍ ସର୍କିଟ ଯୋଗୁଁ ଟ୍ରକରେ ନିଆଁ ଲାଗିଥିବା ଅନୁମାନ କରାଯାଉଛି । ବିଷମକଟକ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି ।