ହରିଆଣାରେ ଖେରି ଘଟଣା; ମହିଳା ଚାଷୀଙ୍କ ଉପରେ ମାଡ଼ିଗଲା ଟ୍ରକ

ହରିଆଣା: ହରିୟାଣା ବାହାଦୁରଗଡ଼ରେ ଖେରି ଘଟଣାର ପୁନରାବୃତ୍ତି । ଟିକରି ସୀମାରେ ଆନ୍ଦୋଳନରତ ମହିଳା ଚାଷୀଙ୍କ ଉପରେ ମାଡିଗଲା ଟ୍ରକ୍ । ଆଜି ସକାଳୁ ଦିଲ୍ଲୀ-ହରିଆଣା ସୀମାନ୍ତବର୍ତ୍ତୀ ବାହାଦୂରଗଡ଼ରେ ଏକ ଦ୍ରୁତଗାମୀ ଟ୍ରକ ମହିଳା ଚାଷୀଙ୍କୁ ଧକ୍କା ଦେଇଥିଲା । ଯାହା ଫଳରେ ୩ ଜଣ ମହିଳା ଚାଷୀଙ୍କ ମୃତ୍ୟୁ ହେଇଛି ଏବଂ ତିନି ଜଣ ଗୁରୁତର ଥିବା ସୂଚନା ମିଳିଛି । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରିଛି । ଅନ୍ୟ ୩ ଜଣଙ୍କୁ ଡାକ୍ତରଖାନାରେ ଭର୍ତ୍ତି କରି ତଦନ୍ତ କରୁଛି ପୋଲିସ ।

ସୂଚନା ଅନୁସାରେ ଆଜି ସକାଳ ପ୍ରାୟ ୬.୩୦ ସମୟରେ ଝାଝର ରୋଡ୍ ଘଟିଛି ଏହି ଦୁର୍ଘଟଣା । ମହିଳା ଚଷୀମାନେ ରୋଡ ଡିଭାଇଡର ଉପରେ ବସିଥିବା ସମୟରେ ହଠାତ୍ ଏକ ଦୃତଗାମୀ ଟ୍ରକ୍ ସେମାନଙ୍କ ଉପରେ ମାଡିଯାଇଥିଲା ।  ଯାହା ଫଳରେ ଘଟଣାସ୍ଥଳରେ ଦୁଇ ଜଣଙ୍କର ମୃତ୍ୟୁ ହୋଇଥିବାବେଳେ ଡାକ୍ତରଖାନାରେ ଜଣଙ୍କର ମୃତ୍ୟୁ ଘଟିଛି  ଏବଂ ଆଉ ତିନି ଜଣ ମହିଳା ଚାଷୀ ଗୁରୁତର ଥିବା କୁହାଯାଉଛି ।

ତେବେ ଦୁର୍ଘଟଣାର ଶିକାର ହୋଇଥିବା ମହିଳାମାନେ କୃଷକ ଆନ୍ଦୋଳନରେ ଜଡ଼ିତ ଥିଲେ । ଏହି ଦୁର୍ଘଟଣାରେ ପ୍ରାଣ ହରାଇଥିବା ତିନି ଜଣ ଚାଷୀ ପଞ୍ଜାବର ମାନସା ଜିଲ୍ଲାର ବାସିନ୍ଦା । କେନ୍ଦ୍ର ସରକାରଙ୍କ ତିନୋଟି କୃଷି ଆଇନକୁ ବିରୋଧ କରି ନଭେମ୍ବର ୨୦୨୦ରୁ ଦିଲ୍ଲୀ ସୀମାରେ କୃଷକଙ୍କ ଆନ୍ଦୋଳନ ଚାଲିଛି । ଏହି ଦୁର୍ଘଟଣାରେ ପ୍ରାଣ ହରାଇଥିବା ମହିଳାମାନେ ମଧ୍ୟ ଏହି ଆେନ୍ଦାଳନ ସହ ଜଡ଼ିତ ଥିଲେ ।