ପୋଲରେ ଝୁଲୁଛି ଧାନ ବୋଝେଇ ଟ୍ରକ୍
ସମ୍ବଲପୁର: ପୋଲରେ ଝୁଲିଛି ଧାନ ବୋଝେଇ ଟ୍ରକ୍, ଯାତାୟତ ଠପ୍ । ରେଢାଖୋଲ ପଟୁ ଏକ ଧାନ ବୋଝେଇ ଟ୍ରକ୍ ସମ୍ବଲପୁର ଯାଉଥିଲା । ତେବେ ରେଢାଖୋଲ ଓ ଚାରମାଲ ମଝିରେ ଥିବା ସିଙ୍ଗଲ ବ୍ରିଜ ଉପରେ ଟ୍ରକଟି ଝୁଲନ୍ତା ଅବସ୍ଥାରେ ରହିଛି ।
ଫଳରେ ଜାତୀୟ ରାଜପଥରେ ଗତକାଲି ରାତି ୧୧ଟାରୁ ଯାତାୟତ ସଂପୂର୍ଣ୍ଣ ବନ୍ଦ ରହିଛି । ବ୍ରିଜର ଉଭୟ ପାଖରେ ଶହ ଶହ ବସ ଓ ଟ୍ରକ ଅଟକି ରହିଛି । ରାସ୍ତା ଦେଇ ବରଗଡ଼, ସମ୍ବଲପୁର, ଝାରସୁଗୁଡା, ରାଉରକେଲା, ସୁନ୍ଦରଗଡ଼ ପରି ବିଭିନ୍ନ ସହରରୁ ନାଇଟ୍ କୋଚ ବସ ଯାତାୟତ କରେ । ତେବେ କାଲିଠୁ ଗାଡ଼ି ଚଳାଚଳ ମଧ୍ୟ ଅଚଳ ରହିଛି ।
