ରାଜଧାନୀରେ ଲଗେଜ ଭର୍ତ୍ତି ଟ୍ରକରେ ଲାଗିଲା ନିଆଁ

ଭୁବନେଶ୍ବର: ରାଜଧାନୀ ଭୁବନେଶ୍ବରରେ ଅଗ୍ନିକାଣ୍ଡ । ରାସ୍ତା ଉପରେ ହୁତୁ ହୁତୁ ହୋଇ ଜଳିଲା ଲଗେଜ ଭର୍ତ୍ତି ଟ୍ରକ । ତମାଣ୍ଡୋ ଓଭର ବ୍ରିଜରେ ଟ୍ରକରେ ଲାଗିଲା ନିଆଁ ।

ମଧ୍ଯାହ୍ନରେ ଲଗେଜ୍ ଭର୍ତ୍ତି ଟ୍ରକଟିରେ ଅଗ୍ନିକାଣ୍ଡ ଘଟିଛି । ଗାଡ଼ିଟି ଲଗେଜ ନେଇ ବିଜୟୱାଡାଠାରୁ କୋଲକାତା ଯାଉଥିଲା । ଟ୍ରକର ପଛ ଚକା ଫାଟିଯିବା ପରେ ନିଆଁ ଲାଗିଥିବା ସନ୍ଦେହ କରାଯାଉଛି । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି । କିଛି ଲଗେଜ ସମ୍ପୂର୍ଣ୍ଣ ଜଳି ଯାଇଥିବା ଜଣାପଡ଼ିଛି ।