ବ୍ରିଜରୁ ବଢ଼ି ପାଣିକୁ ଖସିଲା ଚଳନ୍ତା ଟ୍ରକ୍, ୨ ନିଖୋଜ

ଝାରସୁଗୁଡ଼ା: ଲକ୍ଷନପୁର ବ୍ଲକ ରମ୍ପେଲା ବ୍ରିଜରେ ଅଘଟଣ । ରମ୍ପେଲା ବ୍ରିଜରୁ ଏକ ଚଳନ୍ତା ହାଇୱା ତଳକୁ ଖସିପଡ଼ିଛି । ଇବ୍ ନଦୀରେ ପ୍ରଖର ସ୍ରୋତ ଥିବାବେଳେ ବ୍ରିଜରୁ ୨୦ ଫୁଟ୍ ତଳକୁ ଟ୍ରକଟି ଖସିପଡ଼ିଛି । ବ୍ରିଜରେ ପାଚେରି ଭାଙ୍ଗିବା ଯାଇଥିବା ଜଣାପଡ଼ିଛି ।

ଟ୍ରକରେ ଥିବା ଡ୍ରାଇଭର ଓ ହେଲପର ପାଣିରେ ଫସିଥିବା ସନ୍ଦେହ କରାଯାଉଛି । ତେବେ, ପ୍ରକୃତରେ ଟ୍ରକରେ କେତେ ଜଣ ଥିଲେ ତାହା ଜଣାପଡ଼ିନାହିଁ । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ଉପର ମୁଣ୍ଡ ଛତିଶଗଡ଼ରୁ ବନ୍ୟା ଜଳ ଆସିବା ପରେ ନଦୀରେ ଭରପୂର ପାଣି ରହିଛି ।