ଫଳ ଦୋକାନ ଉପରକୁ ମାଡ଼ିଗଲା ପଥର ବୋଝେଇ ଟ୍ରକ୍, ୫ ଜଣ ଗୁରୁତର
ଭୁବନେଶ୍ୱର: ଭୁବନେଶ୍ୱର ଉପକଣ୍ଠ ମେଣ୍ଢାଶାଳରେ ଛତାବର ବଜାରରେ ଅଘଟଣ । ଫଳ ଦୋକାନ ଉପରକୁ ମାଡ଼ିଗଲା ପଥର ବୋଝେଇ ଟ୍ରକ୍ । ଘଟଣାରେ ୫ ଜଣ ଗୁରୁତର ହୋଇଛନ୍ତି । ଦୁର୍ଘଟଣାରେ ଫଳ ଦୋକାନୀ ଗୁରୁତର ହୋଇଥିବା ବେଳେ, ଟ୍ରକରେ ବସିଥିବା ୪ ଜଣ ଗୁରୁତର ହୋଇଛନ୍ତି । ଗୁରୁତର ମାାନଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି ।
ଦୁର୍ଘଯଣା ହେବା ପରେ ଭାରସାମ୍ୟ ହରାଇ ପଥର ବୋଝେଇ ଟ୍ରକଟି ଦୋକାନ ଉପରକୁ ମାଡ଼ି ଯାଇଥିଲା । ସେପଟେ ଫଳ ଦୋକାନୀ ଅଧିକ ଗୁରୁତର ହେବାରୁ ତାଙ୍କୁ ଖୋର୍ଦ୍ଧା ମେଡିକାଲକୁ ସ୍ଥାନାନ୍ତରିତ କରାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଦୁର୍ଘଟଣା ହୋଇଥିବା ପଥର ବୋଝେଇ ଟ୍ରକ୍କୁ ଜବତ କରିଛି ପୋଲିସ । ଘଟଣା ସ୍ଥଳରେ ଦୁର୍ଘଟଣା ପରେ ରାସ୍ତା ଫାଙ୍କା କରିଥିଲା ପୋଲିସ ।
