ଟ୍ରକକୁ ପଛରୁ ପିଟିଲା ଟ୍ରକ୍, କ୍ୟାବିନ୍ ଭିତରେ ଫସି ରହିଛନ୍ତି ଡ୍ରାଇଭର
ଟାଙ୍ଗୀ: ୧୬ ନମ୍ବର ଜାତୀୟ ରାଜପଥର ବାଲୁଗାଁ ନିକଟ ସୁବୁଦ୍ଧି ପାଟଣାରେ ଦୁର୍ଘଟଣା ଘଟିଛି । ବିଳମ୍ବିତ ରାତିରେ ଏକ ଟ୍ରକକୁ ପଛରୁ ଧକ୍କା ଦେଇଛି ଆଉ ଏକ ଟ୍ରକ୍ । ଧକ୍କା ଦେଇଥିବା ଟ୍ରକର ଚାଳକ କ୍ୟାବିନ୍ ଭିତରେ ଗୁରୁତର ଅବସ୍ଥାରେ ଫସି ରହିଛନ୍ତି । ଭଙ୍ଗା କ୍ୟାବିନ୍ ଭିତରୁ ତାଙ୍କୁ ଉଦ୍ଧାର ପାଇଁ ଅଗ୍ନିଶମ ବାହିନୀ ପ୍ରୟାସ କରୁଛନ୍ତି । ଅନ୍ୟ ଟ୍ରକର ଡ୍ରାଇଭର ଓ ହେଲପର ଅଳ୍ପକେ ମରଣ ମୁହଁରୁ ବର୍ତ୍ତି ଯାଇଛନ୍ତି ।
ପାରାଦୀପରୁ ଏକ ଲୁହା ପଥର ବୋଝେଇ ଟ୍ରକ୍ ଗୋପାଳପୁର ଯାଉଥିଲା । ଟ୍ରକର ଟାୟାର ଫାଟି ଯିବାରୁ ଚାଳକ ରାସ୍ତା କଡ଼ରେ ରଖି ଟାୟାର ବଦଳାଉ ଥିଲେ । ସେହି ସମୟରେ ପଛୁ ଆସୁଥିବା ଏକ ବାଲି ବୋଝେଇ ଟ୍ରକ୍ ଧକ୍କା ଦେଇଥିଲା । ଫଳରେ କ୍ୟାବିନ୍ ଭାଙ୍ଗିଯିବା ସହ ସେ ଭିତର ଚାଳକ ଫସି ଯାଇଛନ୍ତି । ଘଟଣା ସ୍ଥଳରେ ବାଲୁଗାଁ ଅଗ୍ନିଶମ ବାହିନୀ ଓ ନାଭାଲ ଫାଣ୍ଡି ପୋଲିସ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
