TRP Scamରେ ଲାଗିଛି IPC- ଧାରା ୪୨୦ ଓ ୪୦୯, ଜାଣନ୍ତୁ କ’ଣ ରହିଛି ଦଣ୍ଡବିଧାନ…
ମୁମ୍ୱାଇ: ତିନୋଟି ବୈଦ୍ୟୁତିକ ଗଣମାଧ୍ୟମ ସଂସ୍ଥା ଟିଆରପି ସ୍କାମରେ ଫସିଛନ୍ତି । ମୁମ୍ୱାଇ ପୋଲିସ ତଦନ୍ତ ଜାରି ରଖିଛି । ତିନୋଟି ଚ୍ୟାନେଲ ମଧ୍ୟରେ ରିପ୍ଲବିକ୍ ଟିଭିର ନାମ ମଧ୍ୟ ଯୋଡ଼ିହୋଇଛି । ତେବେ ଉଲ୍ଲେଖଯୋଗ୍ୟ ଯେ ମୁମ୍ୱାଇ ପୋଲିସ ଦୁଇ ଜଣଙ୍କୁ ଗିରଫ କରିସାରିଛି । ଏହି ଦୁଇ ଜଣଙ୍କ ବିରୋଧରେ ଆଇପିସି ଧାରା ୪୦୯ ଓ ୪୨୦ ମାମଲା ରୁଜୁ ହୋଇ ତଦନ୍ତ ଚାଲିଛି । ଜାଲିଆତି କରିବା ଓ ଠକିବା ଭଳି ଆରୋପ ଏମାନଙ୍କ ଉପରେ ଲଗାଯାଇଛି ।
କୌଣସି ମୂଲ୍ୟବାନ ବସ୍ତୁ ଅନୈତିକ ଉପାୟ କିଣବିକା ହୋଇଥିବା ଅଭିଯୋଗ ମଧ୍ୟ ରହିଛି । ତେବେ ଏଭଳି ଅପରାଧ ପାଇଁ ଭାରତୀୟ ଦଣ୍ଡ ସଂହିତାରେ ୭ ବର୍ଷ ପର୍ଯ୍ୟନ୍ତର କାରାବରଣ ଓ ଅର୍ଥଦଣ୍ଡର ପ୍ରାବଧାନ ରହିଛି । ସେହିଭଳି ଧାରା ୪୦୯ ଆଧାରରେ ଦୋଷୀ ସାବ୍ୟସ୍ତ ହୋଇଥିବା ବ୍ୟକ୍ତି ବିରୋଧରେ ୧୦ ବର୍ଷ ପର୍ଯ୍ୟନ୍ତର କାରାଗାର ଓ ଅର୍ଥ ଦଣ୍ଡର ପ୍ରାବଧାନ ରହିଛି । ଯେ କୌଣସି ପ୍ରଥମ ଶ୍ରେଣୀର ମାଜିଷ୍ଟେଟ ଏଭଳି ନିଷ୍ପତ୍ତି ଶୁଣାଇପାରିବେ । ଏହି ସ୍କାମରେ ଜଡିତ ଥିବା ଅଭିଯୁକ୍ତଙ୍କ ବିରୋଧରେ ଅଭିଯୋଗ ସତ୍ୟ ପ୍ରମାଣ ହେଲେ ଏମାନଙ୍କୁ ଏଭଳି ଦଣ୍ଡ ବିଧାନର ଶୁଣାଣି ହୋଇପାରେ ।
