ବଢ଼ିଲା ଅର୍ଣ୍ଣବଙ୍କ ଅଡ଼ୁଆ, ନୋଟିସ୍ ଜାରି ପାଇଁ ପୋଲିସକୁ ନିର୍ଦ୍ଦେଶ ଦେଲେ ହାଇକୋର୍ଟ
1 min read
ମୁମ୍ବାଇ: TRP ସ୍କାମ ନେଇ ବଢ଼ିଲା ରିପବ୍ଲିକ ମୁଖ୍ୟ ସମ୍ପାଦକ ଅର୍ଣ୍ଣବ ଗୋସ୍ୱାମୀଙ୍କ ଅଡ଼ୁଆ । ଅର୍ଣ୍ଣବଙ୍କୁ ଟିଆରପି ସ୍କାମ ମାମଲାରେ ସମନ ଜାରି କରିବାକୁ ମୁମ୍ବାଇ ପୋଲିସକୁ ନିର୍ଦ୍ଦେଶ ଦେଇଛନ୍ତି ବମ୍ବେ ହାଇକୋର୍ଟ । ଦୁଇ ବିଚାରପତି ଜଣ୍ଟିସ୍ ଏସ.ଏସ୍ ସିନ୍ଧେ ଏବଂ ଏମ୍.ଏସ୍ କର୍ଣ୍ଣିକଙ୍କୁ ନେଇ ଗଠିତ ଖଣ୍ଡପୀଠ ସମନ ଜାରି ପାଇଁ ନିର୍ଦ୍ଦେଶ ଦେଇଛନ୍ତି ।
ତେବେ ମୁମ୍ବାଇ ପୋଲିସକୁ ତଦନ୍ତରେ ସମ୍ପୂର୍ଣ ସହଯୋଗ କରିବେ ବୋଲି କହିଛନ୍ତି ଅର୍ଣ୍ଣବ ଓକିଲ ହରିସ ସାଲଭେ । କୋର୍ଟ ତାଙ୍କ ନିର୍ଦ୍ଦେଶରେ କହିଛନ୍ତି, ଯଦି ଅର୍ଣ୍ଣବ ଜଣେ ଅଭିଯୁକ୍ତ ତେବେ ତାଙ୍କୁ ମୁମ୍ବାଇ ପୋଲିସ ସମନ ଜାରି କରୁ । ଏଆରଜି ଆଉଟଲିୟର ମିଡିଆ ଲିମିଟେଡର ରିଟ୍ ଆବେଦନର ଶୁଣାଣି କରି କୋର୍ଟ ଏହି ସମନ ନିର୍ଦ୍ଦେଶ ଦେଇଛନ୍ତି । ନଭେମ୍ବର ୫ ତାରିଖରେ କୋର୍ଟ ଏ ସଂପର୍କରେ ଚୂଡ଼ାନ୍ତ ଶୁଣାଣି କରିବେ ।
ଏହା ପୂର୍ବରୁ ଅର୍ଥାତ ୪ ତାରିଖ ପୂର୍ବରୁ ମୁଦା ଲଫାପାରେ ତଦନ୍ତର ସମସ୍ତ ଦସ୍ତାବିଜ ଉପସ୍ଥାପନ କରିବାକୁ ମୁମ୍ବାଇ ପୋଲିସକୁ ନିର୍ଦ୍ଦେଶ ଦେଇଛନ୍ତି ବମ୍ବେ ହାଇକୋର୍ଟ । ତେବେ ଏହି ମାମଲାରେ ପୋଲିସ ଏପର୍ଯ୍ୟନ୍ତ ଅର୍ଣ୍ଣବଙ୍କୁ ଜଣେ ଅଭିଯୁକ୍ତ ବୋଲି ଦର୍ଶାଇ ପାରିନାହିଁ । ଅନ୍ୟପଟେ ଅର୍ଣ୍ଣବ ନିଜ ସୁରକ୍ଷା ପାଇଁ ବମ୍ବେ ହାଇକୋର୍ଟରେ ଆଗୁଆ ଜାମିନ ଆବେଦନ କରିସାରିଛନ୍ତି । ମହାରାଷ୍ଟ୍ର ସରକାରଙ୍କ ପାଇଁ ବରିଷ୍ଠ ଆଇନଜୀବୀ କପିଲ ସିବ୍ବଲ ମାମଲା ଲଢୁଛନ୍ତି ।
