କାମରୁ ବାହାର କରିଦେବାରୁ ମାଲିକ ସମେତ ୩ ଜଣଙ୍କୁ ହତ୍ୟା

ସୁରତ : ସୁରତରେ କାରଖାନା ମାଲିକକୁ ହତ୍ୟା କଲେ ଗଞ୍ଜାମର ୨ ଶ୍ରମିକ । କାମରୁ ବାହାର କରିବାରୁ ମାଲିକ ସମେତ ୩ ଜଣଙ୍କୁ ହତ୍ୟା କରିଛନ୍ତି ୨ ଶ୍ରମିକ । ମୃତକମାନେ ହେଲେ ସଂପୃକ୍ତ କାରଖାନାର ମାଲିକ, ତାଙ୍କ ପୁଅ ଓ ଅନ୍ୟ ଜଣେ ସମ୍ପର୍କୀୟ । ଘଟଣା ପରେ ଗଞ୍ଜାମ ଜିଲ୍ଲାର ଜଣେ ନାବାଳକ ସମେତ ୨ଜଣଙ୍କୁ ଗିରଫ କରିଛି ପୋଲିସ । ହତ୍ୟା ବେଳର ଏକ ସିସିଟିଭି ଭିଜୁଆଲ ଭାଇରାଲ ହେବାରେ ଲାଗିଛି । ଯେଉଁଥିରେ ଜଣେ ଛୁରୀରେ ଓ ଜଣେ ଲୁହା ବାଡ଼ିରେ ୩ ଜଣଙ୍କୁ ଆକ୍ରମଣ କରୁଛନ୍ତି । ଯେଉଁଥିରେ ପ୍ରାଣ ହରାଇଛନ୍ତି ସୂତା କାରଖାନାର ମାଲିକଙ୍କ ସମେତ ୩ ଜଣ ।

ଘଟଣା ଅନୁସାରେ ସୁରତର ଏମ୍ବ୍ରୋଡୋରି କାରଖାନାରେ ଗଂଜାମ ଜିଲ୍ଲାର ଜଣେ ଶ୍ରମିକ ଦୀର୍ଘଦିନ ଧରି କାମ କରୁଥିଲେ । ପରେ ଏକ ନାବାଳକକୁ ଥଇଥାନ କରିଥିଲେ ଶ୍ରମିକ ଜଣଙ୍କ । ପ୍ରାୟ ୧୦ ଦିନ ତଳେ କାରଖାନା ମାଲିକ ଓ ଗଞ୍ଜାମର ଦୁଇ ଶ୍ରମିକଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ଏହା ପରେ କର୍ମଚାରୀଙ୍କୁ କାମରୁ ବାହାର କରିଦେଇଥିଲେ ମାଲିକ । ଏଥିରେ ପ୍ରତିଶୋଧପରାୟଣ ହୋଇ ରବିବାର ଦିନ କମ୍ପାନୀ ଭିତରେ ପଶି ଧାରୁଆ ଅସ୍ତ୍ରରେ ୩ ଜଣଙ୍କୁ ଆକ୍ରମଣ କରିଥିଲେ ଓଡିଆ ଶ୍ରମିକ ।